உலகளவில் 65.67 லட்சம் பேருக்கு கொரோனா வைரஸ் தொற்று பாதிப்பு

உலகம் முழுவதும் கொரோனா பெருந்தொற்றால் பாதிக்கப்பட்டோர் எண்ணிக்கை 65 லட்சத்து 67ஆயிரத்தை கடந்துள்ள நிலையில், 3 லட்சத்து 87 ஆயிரத்துக்கும் மேற்பட்டோர் உயிரிழந்துள்ளனர்.

அமெரிக்காவில் புதிதாக 21 ஆயிரம் பேருக்கு தொற்று உறுதியானதால் மொத்த பாதிப்பு 19 லட்சத்தை தாண்டியது. அங்கு ஒரு லட்சத்து 9 ஆயிரம் பேர் இறந்துள்ளனர்.

பிரேசிலில் கடந்த 24 மணி நேரத்தில் 28 ஆயிரம் பேர் உட்பட 5 லட்சத்து 84 ஆயிரம் பேருக்கு வைரஸ் பாதிப்பு கண்டறியப்பட்டுள்ளது.

ரஷ்யாவில் 4 லட்சத்து 32 ஆயிரம் பேருக்கும், ஸ்பெயினில் 2 லட்சத்து 87 ஆயிரம் பேருக்கும் தொற்று கண்டறியப்பட்டுள்ளது. (Reuters)

உலகளவில் இதுவரை 31 லட்சத்துக்கும் அதிகமானோர் தொற்று பாதிப்பில் இருந்து மீண்டு வந்துள்ளனர்.