வீடு, வீடாக அரசு விநியோகிக்க உள்ள கொரோனா கையேடு - சிறப்புகள் என்ன?

கொரோனா வைரஸ் தாக்குதலில் இருந்து பாதுகாத்துக்கொள்வது மற்றும் அறிகுறி, தற்காப்பு குறித்து தமிழக அரசு பொதுமக்களுக்கு வீடு, வீடாக கையேடு வழங்க உள்ளது

கொரோனா வைரஸ் கோவிட்-19 தொடர்பாக, அறிந்து கொள்ளுங்கள் என்ற தலைப்பில் கையேடு ஒன்று அரசின் சார்பில் தயாரிக்கப்பட்டு, மாவட்ட ஆட்சியர்களுக்கு அனுப்பப்பட்டுள்ளது.

கொரோனா வைரஸ் என்றால் என்ன, அதன் அறிகுறிகள் என்ன, அது பரவும் விதம் ஆகியவை கையேட்டில் விளக்கப்பட்டுள்ளது.

கொரோனா பரவலை தடுக்கும் முறைகள் குறித்தும் விளக்கமாக குறிப்பிடப்பட்டுள்ளது.

நோய் எதிர்ப்பு சக்தியை எப்படியெல்லாம் அதிகரிக்கலாம் என்று தெரிவிக்கப்பட்டுள்ளது

தனிமைப்படுத்தப்பட்டவர்கள் கடைபிடிக்க வேண்டியவை குறித்தும் கையேட்டில் விளக்கப்பட்டுள்ளது.

கொரோனா பரிசோதனை மையங்கள் மற்றும் பரிசோதனை முறை குறித்து தெரிவிக்கப்பட்டுள்ளது.

கொரோனா குறித்து பரவும் தவறான தகவல்கள் பற்றியும் கையேட்டில் விளக்கப்பட்டுள்ளது

கொரோனா பற்றிய கேள்விகள், சந்தேகங்களை கேட்க இலவச தொலைபேசி எண் மற்றும் இணையதள முகவரி வழங்கப்பட்டுள்ளது