தொடக்கம் முதலே கொரோனா பாதிப்பு குறைந்த மாவட்டத்திலும் திடீரென அதிகரிக்கும் புதிய தொற்று

தமிழகத்தில் அனைத்து மாவட்டங்களிலும் புதிதாக கொரோனா தொற்று கண்டறியப்பட்டுள்ளது. இதுவரை இல்லாத வகையில், சென்னை தவிர்த்து 22 மாவட்டங்களில் 5,831 பேர் கொரொனா வைரஸ் தொற்றால் பாதிக்கப்பட்டுள்ளனர்.

செங்கல்பட்டு மாவட்டத்தில் ஒரே நாளில் 501 பேருக்கு தொற்று உறுதி செய்யப்பட்டுள்ளதால், அங்கு பாதிப்பு எண்ணிக்கை 12 ஆயிரத்தை கடந்துள்ளது.

விருதுநகர், ராணிபேட்டை, காஞ்சிபுரம் மாவட்டங்களில் 350க்கும் மேற்பட்டோருக்கு கொரோனா உறுதி செய்யப்பட்டுள்ளது. தேனியில் 217 பேருக்கும், கன்னியாகுமரியில் 215 பேருக்கும், விழுப்புரத்தில் 208 பேருக்கும் புதிதாக கொரோனா தொற்று கண்டறியப்பட்டுள்ளது.

கொரோனா பாதிப்பு குறைந்து காணப்படும் மாவட்டங்களில் ஒன்றான தருமபுரியில் இதுவரை இல்லாத வகையில் ஒரே நாளில் 131 பேர் கொரோனாவால் பாதிக்கப்பட்டுள்ளதால், அங்கு மொத்த பாதிப்பு எண்ணிக்கை 700-ஆக அதிகரித்துள்ளது.