உலக அளவில் 2.16 கோடியை நெருங்கும் பாதிப்பு - 7.67 லட்சம் பேர் உயிரிழப்பு

உலக அளவில் கொரோனாவால் பாதிக்கப்பட்டவர்கள் எண்ணிக்கை 2.16 கோடியை நெருங்கி வருகிறது. இதில் 1.43 கோடி பேர் குணமடைந்து வீடு திரும்பிய நிலையில், 7.67 லட்சம் பேர் உயிரிழந்துள்ளனர்.

அதிகபட்சமாக அமெரிக்காவில் பாதிக்கப்பட்டவர்கள் எண்ணிக்கை 55 லட்சமாக உள்ளது. நேற்று மட்டும் அங்கும் 1,071 பேர் கொரோனாவால் மரணமடைந்ததால் உயிரிழந்தவர்கள் எண்ணிக்கை 1.72 லட்சத்தைத் தாண்டியது.

இதற்கு அடுத்ததாக பிரேசிலில் பாதிப்பு 33 லட்சமாக உள்ளது. ரஷ்யாவில் 9.17 லட்சம் பேரும், தென்னாப்பிரிக்காவில் 5.83 லட்சம் பேரும் கொரோனாவால் பாதிக்கப்பட்டுள்ளனர்.