இந்தியாவில் மொத்தம் 8.79 லட்சம் பேருக்கு கொரோனா பாதிப்பு - 23,187 பேர் உயிரிழப்பு..

இந்தியாவில் கொரோனா பெருந்தொற்றுக்கு ஆளானோர் எண்ணிக்கை 8 லட்சத்து 79 ஆயிரத்தைக் கடந்துள்ள நிலையில், நோய் பாதிப்பால் 23 ஆயிரத்துக்கும் மேற்பட்டோர் உயிரிழந்துள்ளனர்.

மகாராஷ்டிராவில் புதிதாக 7,827 பேருக்கு தொற்று உறுதியானதால், மொத்த பாதிப்பு எண்ணிக்கை இரண்டு லட்சத்து 54 ஆயிரத்தைத் தாண்டியது.

டெல்லியில் தொற்று பாதிப்பு எண்ணிக்கை தொடர்ந்து இரண்டாவது நாளாக இரண்டாயிரத்துக்கும் குறைவாக பதிவாகியுள்ளது. மேலும், டெல்லியில் குணமடைவோர் விகிதம் 79.97 விழுக்காடாக அதிகரித்துள்ளது.

மேற்குவங்கத்தில் புதிதாக 1500க்கும் மேற்பட்டோருக்கு கொரோனா உறுதியானதால் தொற்று பாதிப்பு எண்ணிக்கை 30,000-ஐக் கடந்தது.

நாடு முழுவதும் தொற்று பாதிப்பில் இருந்து மீண்டு வருவோர் விகிதம் 62.93 விழுக்காடாக அதிகரித்துள்ளது. கொரோனாவால் இறப்பு விகிதம் 2.6 விழுக்காடாக உள்ளது.