மே 17 இயக்க ஒருங்கிணைப்பாளர் திருமுருகன் காந்திக்கு கொரோனா பாதிப்பு

தமிழகத்தில் நாளுக்கு நாள் கொரோனா தொற்றால் பாதிக்கப்படுபவர்களின் எண்ணிக்கை அதிகரித்து வருகிறது. கொரோனா தடுப்பு பணியில் ஈடுபட்டுள்ள மருத்துவர்கள், செவிலியர்கள் உள்ளிட்ட முன்கள பணியாளர்கள், அமைச்சர்கள், சட்டமன்ற உறுப்பினர்கள் உள்ளிட்டோரும் தொற்றுக்கு ஆளாகி வருகின்றனர்.

அதேபோல், பெருந்தொற்று காலத்தில் மக்கள் பணியில் ஈடுபட்டு வரும் அமைப்பினர், தன்னாலர்களுக்கும் தொற்று ஏற்பட்டு வருகிறது.

இந்நிலையில், மே 17 இயக்க ஒருங்கிணைப்பாளர் திருமுருகன்காந்தி கடந்த சில நாட்களாக உடல் நலம் பாதிக்கப்பட்டிருந்தார். இதனைத் தொடர்ந்து மேற்கொள்ளப்பட்ட பரிசோதனையில் அவருக்கு தொற்று இருப்பது உறுதி செய்யப்பட்டுள்ளது.

திருமுருகன் காந்திக்கு கொரோனா ஏற்பட்டத்தை அடுத்து சென்னை கீழ்ப்பாக்கம் அரசு மருத்துமனையில் திருமுருகன் காந்தி அனுமதிக்கப்பட்டுள்ளார்.