இந்தியாவில் கொரோனா பாதிப்பு - கவலையளிக்கும் வகையில் ஒரு தகவல்

இந்தியாவில் கொரோனா தொற்றால் பாதிக்கப்பட்டோர் எண்ணிக்கை 3.54 லட்சத்தை நெருங்கியுள்ள நிலையில், உயிரிழந்தோர் எண்ணிக்கை 11 ஆயிரத்தைக் கடந்துள்ளது. நாடு முழுவதும் உயிரிழந்தோர் விழுக்காடு 2.9-ல் இருந்து 3.4 ஆக அதிகரித்துள்ளது.

மகாராஷ்டிராவில் புதிதாக 2,701 பேர் உட்பட ஒரு லட்சத்து 13,000 பேருக்கு தொற்று பாதிப்பு கண்டறியப்பட்டுள்ளது.

மேலும் 81 பேர் உயிரிழந்ததால் மொத்த இறப்பு எண்ணிக்கை 5, 537 ஆக அதிகரித்துள்ளது. டெல்லியில் தொற்று பாதிப்பு 44 ஆயிரமாகவும், உயிரிழப்பு 1800ஐயும் தாண்டியுள்ளது.

மகாராஷ்டிரா மற்றும் டெல்லியில் இதுவரை பதிவு செய்யப்படாத நூற்றுக்கணக்கான உயிரிழப்புகளும் நேற்று புதிதாக சேர்க்கப்பட்டன.

இதனால், டெல்லியில் மட்டும் கொரோனாவால் இறந்தோர் விகிதம் 4 .1 விழுக்காடாக அதிகரித்துள்ளது.