கடந்த 24 மணி நேரத்தில் இந்தியாவில் இதுவரை இல்லாத கொரோனா பாதிப்பு... உயிரிழப்பு 7000-ஐ நெருங்கியது

இந்தியாவில் முன்னெப்போதும் இல்லாத அளவாக ஒரே நாளில் 9971 பேருக்கு கொரோனா தொற்று கண்டறியப்பட்டதால், மொத்த நோய் பாதிப்பு 2,46,628 ஆக அதிகரித்துள்ளது.

மேலும் 294 பேர் உயிரிழந்ததால், இறப்பு எண்ணிக்கை 6941 ஆக அதிகரித்துள்ளது. இதன்மூலம் தொற்று அதிகம் பாதித்த மோசமான நாடுகளில் பட்டியலில் இந்தியா 5-வது இடத்திற்கு வந்துள்ளது.

மகாராஷ்டிராவில் 2739 பேருக்கு தொற்று கண்டறியப்பட்டதால், மொத்த பாதிப்பு 83 ஆயிரத்தை தாண்டியது.

நாடு முழுவதும் கொரோனா தொற்றில் இருந்து மீண்டோர் விகிதம் 48 விழுக்காடாக உள்ளதாகவும் 7 நாட்களுக்கு ஒருமுறை தொற்று பாதிப்பு இரட்டிப்பாகி வருவதாகவும் ஐசிஎம்ஆர் தெரிவித்துள்ளது.

நேற்று ஒரு லட்சத்து 37938 மாதிரிகள் சோதனைக்குட்படுத்தப்பட்டுள்ளதாகவும் கூறப்பட்டுள்ளது.