இந்தியா : கடந்த 4 மாதங்களில் இல்லாத அளவுக்கு குறைந்தது கொரோனா தொற்று பாதிப்பு..

.. இந்தியாவில் ஜூலை மாதத்துக்கு பிறகு கொரோனாவின் ஒருநாள் புதிய பாதிப்பு எண்ணிக்கை 30,000 க்கும் கீழ் பதிவாகியுள்ளது. கடந்த ஜூலை 15-ஆம் தேதி 29, 429 பேருக்கு கொரோனா பதிவாகியிருந்தது.

இந்நிலையில் 4 மாதங்களுக்கு பிறகு, கடந்த 24 மணி நேரத்தில் புதிதாக 29,164 பேருக்கு கொரோனா உறுதி செய்யப்பட்டுள்ளது.

மொத்த கொரோனா பாதிப்பு எண்ணிக்கை 88, 74, 291 ஆக உயர்ந்துள்ளது. இதில் 449 பேர் புதிதாக உயிரிழந்துள்ளனர். மொத்த உயிரிழப்புகளின் எண்ணிக்கை 1,30 519 ஆக உயர்ந்துள்ளது.

பெருந்தொற்றுக்கு சிகிச்சை பெற்று வருவோரின் எண்ணிக்கை 4, 53,401 ஆக சரிந்துள்ளது. இதுவரை குணமடைந்தோரின் எண்ணிக்கை 82,90,371 ஆக உயர்ந்துள்ளது.

கடந்த 24 மணி நேரத்தில் மட்டும் புதிதாக 40,791 பேர் பெருந்தொற்றில் இருந்து குணமடைந்து வீடு திரும்பியுள்ளனர்.