தென் மாவட்டங்களில் இருந்து சென்னைக்கு அதிகம் பேர் வருவதால், செங்கல்பட்டு மாவட்டம், பரனூர் சுங்கச்சாவடியில் வாகன நெரிசல் ஏற்படுகிறது. தென் மாவட்டங்களில் இருந்து சென்னை வரும் வாகனங்களுக்கு, செங்கல்பட்டு மாவட்டம் பரனூரில் உள்ள சுங்கச்சாவடியே நுழைவாயிலாக உள்ளது. கொரோனா அச்சத்தால் சொந்த ஊர் சென்ற தென் மாவட்டத்தினர், இ பாஸ் தளர்வு காரணமாக தற்போது மீண்டும் சென்னை திரும்பி வருகின்றனர். ALSO READ | கொரோனா வார்டில் கைவிலங்குடன் மது அருந்திய குற்றவாளி: நடவடிக்கை எடுக்க முதல்வர் உத்தரவு (படங்கள்) பொது போக்குவரத்து இல்லாததால், கார் மற்றும் இருசக்கர வாகனங்களில் மக்கள் பயணம் மேற்கொள்கின்றனர். கடந்த நான்கு மாத காலமாக சரக்கு வாகனங்கள் பாஸ்டேக் பயன்படுத்தாத காரணத்தால், சுங்க சாவடிகளில் கட்டணம் செலுத்த கால தாமதம் ஏற்படுகிறது. இதனால் வாகன நெரிசல் ஏற்படுவதால், ஐந்து நிமிடம் 10 நிமிடம் என கட்டணமில்லாமல் வாகனங்கள் செல்ல அனுமதித்து, போக்குவரத்தை போலீசார் சரிசெய்து வருகின்றனர்
