கொரோனா அச்சம் வேண்டாம்... மகிழ்ச்சி தரும் இந்த உணவுகளை சாப்பிடுங்கள்..!

கொரோனா வைரஸ் மின்னல் வேகத்தில் பரவுகிறது என்பதால் நாடு முழுவதும் ஊரடங்கு உத்தவு பிறப்பிக்கப்பட்டுள்ளது. தற்போது பலரும் அதன் ஆபத்தை உணர்ந்து பீதியில் உறைந்துள்ளனர். இதற்கு பீதியடையத் தேவையில்லை. உங்களைத் தனிமைப்படுத்திக் கொண்டு வீட்டில் ஆரோக்கியாமான உணவுகளை சாப்பிடுங்கள். மனதை மகிழ்ச்சியாக வைத்துக்கொள்ளுங்கள்.இந்த உணவுகளை சாப்பிட்டுப் பாருங்கள் மகிழ்ச்சி தானாக வரும்.

காஃபி : காஃபியில் உள்ள கஃபைன் உங்களின் மகிழ்ச்சிக்கு உத்தரவாதம் அளிக்கும். மனதிற்குப் புத்துணர்வு அளிக்கும். எனவே சோர்வாக உணர்ந்தால் ஒரு கப் காஃபி போதும்.

டார்க் சாக்லெட் : சாக்லெட் என்றாலே பெரியவர்கள் முதல் சிறியவர்கள் வரை மகிழ்ச்சிதான். மகிழ்ச்சிக்கான எண்டோர்ஃபின் அமிலத்தை சுரக்கச் செய்வதில் கோகோ நிகர் எதுவும் இல்லை.

தயிர் : தயிரில் சர்க்கரைக் கலந்து சாப்பிட்டால் உங்கள் மூளை படு குஷியாகிவிடும். மேலும் உங்கள் நோய் எதிர்ப்பு சக்தியையும் அதிகரிக்கும். நீங்கள் சோறு சாப்பிடும்போதும் தயிர், ஊறுகாய் என்றும் சாப்பிடலாம்.

நட்ஸ் : பாதாம், முந்திரி, வேர்க்கடலை, பிஸ்தா , அக்ரூட் பருப்புகள் போன்றவை செரோடோனின் அமிலத்தைச் சுரக்கச் செய்கின்றன. இவற்றைச் சாப்பிடுவதால் மனச்சோர்வு நீங்கி மகிழ்ச்சி உண்டாகும்.

வாழைப்பழம் : வாழைப்பழம் டோபமைன் மற்றிம் செரோடோனின் அமிலத்தை சுரக்கச் செய்வதில் சிறந்த உணவு.

ஆரஞ்சு : ஆரஞ்சு உங்கள் மகிழ்ச்சிக்கான நண்பனாக இருக்கும்.

கிரீன் டீ : கிரீன் டீ குடிப்பது உடலளவிலும் மனதளவிலும் சிறந்த புத்துணர்ச்சியை அளிக்கவல்லது.