மாஸ்க் யாருக்கு நல்லது..? உங்களுக்கா அல்லது உங்களை சுற்றி இருப்பவர்களுக்கா..?

கொரோனா வைரஸ் பரவலைத் தடுக்க மாஸ்க் அவசியம் என மருத்துவர்கள் அறிவுத்துவது கொரோனா வைரஸை தடுப்பதற்கு மட்டுமல்ல அதனால் இன்னும் பல நன்மைகளும் உள்ளன என ஆய்வில் கண்டறியப்பட்டுள்ளது.

அதாவது மாஸ்குகள் இருமும் போதும் தும்பும்போதும் வெளியேறும் நீர்த்துளிகள் மூலம் பரவாமல் தடுக்க உதவுகிறது. 100 சதவீதம் இல்லை என்றாலும் அதிகபட்சம் வைரஸை தடுக்கும் ஆற்றலைக் கொண்டுள்ளது.

குறைந்த அளவிலான தொற்றால் பாதிக்கப்பட்டவர்களுக்கு அறிகுறிகள் என்பது இல்லாமலும் அல்லது குறைவாகவும் இருக்கலாம். அவர்கள் வெளியே நடமாடுகையில் அவர்கள் மூலம் காற்றில் பரவும் நீர்த்துளிகளின் அளவு குறையும்.

ஏனெனில் குறைந்த அறிகுறிகளோடும் அல்லது அறிகுறிகளே இல்லாமலும் பலர் நடமாடிக்கொண்டிருப்பதாக தொற்றுநோய் வல்லுநர் மோனிகா காந்தி கூறியுள்ளார்.

இப்படி குறைந்த தொற்றால் பாதிக்கப்பட்டவர்கள் காற்றில் இருக்கும் வைரஸ் நீர்த்துளிகள் பரவ நேர்ந்தால் அவர்களுக்கு தொற்று பரவல் அதிகரிக்கும் வாய்ப்புகளும் அதிகம். எனவே மாஸ்க் என்பது தொற்று இருப்பவர்களுக்கும் , இல்லாதவர்களுக்கும் என இரு தரப்பினருக்கும் நல்லது என கலிஃபோர்னியா பல்கலைக்கழகம் நடத்திய ஆய்வில் கூறியுள்ளது.