அதிகரித்து வரும் தங்கம் விலை: இனியும் கூடுமா? குறையுமா?

தங்கத்தின் விலை தொடர்ந்து அதிகரித்து வருகிறது. தங்கத்தின் விலை அதிகரிக்க காரணம் என்ன? தங்கத்தை இப்போது வாங்கலாமா?

தங்கத்தின் விலைதொடர்ந்து அதிகரித்து வருகிறது. இன்று ஒரு கிராம் தங்கத்தின் விலை 4 ஆயிரத்து 524 ரூபாய்க்கும், ஒரு சவரன் 36 ஆயிரத்து 192 ரூபாய்க்கும் விற்பனை செய்யப்படுகிறது.

இந்தியாவின் தங்க இறக்குமதி, 30 ஆண்டுகளில் இல்லாத அளவிற்கு குறைந்துள்ள போது தங்கத்தின் விலை மட்டும் தொடர்ந்து அதிகரித்து கொண்டே செல்கிறது. தற்போதைய நிலையில் தங்கம் விலை உயர்விற்கு முக்கிய காரணம் கொரோனா வைரஸ் தான்.... உலக அளவில் அடுத்த 2 ஆண்டுகளுக்கு பொருளாதாரம் எப்படி இருக்கும் என்ற அச்சம். பாதுகாப்பான முதலீட்டை நோக்கி முதலீட்டாளர்களை நகர்த்துகிறது.

அமெரிக்கா பெடரல் ரிசர்வ் வட்டியை முற்றிலும் குறைத்துவிட்ட நிலையில், அடுத்ததாக negative ratesக்கு செல்லலாமா என்ற ஆலோசனையும் நடைபெற்று வருகிறது. அதாவது. வங்கியில் பணம் வைக்க, வாடிக்கையாளர்கள் பணம் கொடுக்க வேண்டும். இந்த நிலை ஏற்பட்டால், முதலீடுகள் மேலும் தங்கத்தின் பக்கம் திரும்பும்.

ஆனால், பெடரல் ரிசர்வின் தலைவர் Jerome Powell, negative rates பலன் தராது என்ற முடிவில் இருப்பதாக தெரிகிறது. இது குறித்த அச்சமும் தங்கத்தின் மீதான விலை அதிகரிக்க முக்கிய காரணமாக பார்க்கப்படுகிறது.

தங்கத்தின் விலை சர்வதேச அளவில், பல்வேறு காரணிகளை கொண்டு நிர்ணயம் செய்யப்படுகிறது. அப்படி, கொரோனா ஏற்படுத்திய சர்வதேச தாக்கம் தங்கத்தின் விலையில் பெரும் மாற்றத்தை ஏற்படுத்தி இருக்கிறது. அதனால், சர்வதேச அளவில் என்ன விலைக்கு தங்கம் விற்பனை செய்யப்படுகிறதோ, அதே விலைக்கு தான் இந்தியாவிலும் விற்பனை செய்யப்படுகிறது.

இதனால்தான், வாங்க ஆள் இல்லை என்றாலும் இந்தியாவில் தங்கத்தின் விலை அதிகரித்து வருகிறது. இந்த நிலையில் தங்கத்தின் விலை குறையுமா என்றால், கொரோனா அச்சம் எப்போது குறைகிறதோ அப்போது தான் தங்கத்தின் விலை குறையும் என கருத்து முன் வைக்கப்படுகிறது.

இருப்பினும், ஒவ்வொரு மாதமும் சற்று விலை குறையும் போது, ஒரு குறிப்பிட்ட தொகையை முதலீடு செய்து வந்தால், நீண்ட கால நோக்கில் இது பலன் தரும் என்று நிபுணர்கள் ஆலோசனை வழங்குகின்றனர்.