கொரோனா காலத்தில் ரயில் பயணமா? நீங்கள் செய்ய வேண்டியவை, செய்யக் கூடாதவைகள்!

நாடு முழுவதும் கொரோனா வைரஸ் தொற்று நோய் பாதிப்பு ஏற்பட்டதில் இருந்து, பொதுப் போக்குவரத்துக்கான பயண விதிகள் மற்றும் ஒழுங்குமுறைகளில் அதிக மாற்றங்கள் செய்யப்பட்டுள்ளன. இந்த சமயத்தில் ரயில் பயணத்தின் போது கொரோனா வைரஸ் பரவலை கட்டுப்படுத்த டிக்கெட் முன்பதிவு செய்வதிலிருந்து, இருக்கைகளில் அமரும் வரை அனைத்து ஏற்பாடுகளும் தீவிரமாக கண்காணிக்கப்பட்டு வருகிறது.

ஊரடங்கு தளர்வுகளை மத்திய அரசு எளிதாக்கி வருவதால், மக்கள் தனிப்பட்ட மற்றும் வணிக காரணங்களுக்காக தற்போது பயணம் செய்து வருகின்றனர். ரயிலில் பயணம் செய்வதற்கு வழக்கத்தை விட நிறைய பாதுகாப்பு முன்னேற்பாடுகள் தேவை. குறிப்பாக ஒரு நாள் அல்லது அதற்கு மேற்பட்ட நாட்கள் ரயில் பயணம் செய்யும் போது நாம் முன்னெச்சரிக்கையாக இருக்க வேண்டும்.

அவ்வாறு, நீங்கள் ரயில் பயணத்தைத் திட்டமிடுகிறீர்களானால், சில செய்ய வேண்டியவை முக்கிய விஷயங்கள் இருக்கின்றன.

1. ஐ.ஆர்.சி.டி.சி வலைத்தளம் அல்லது அதன் மொபைல் செயலி மூலம் உங்கள் டிக்கெட்டை முன்பதிவு செய்யலாம். ஒருவேளை டிக்கெட்டை ரத்து செய்ய விரும்பினால், ரயில் புறப்படுவதற்கு 24 மணி நேரத்திற்கு முன்பே ரத்து செய்ய முடியும்.

2. ரயிலில் கேட்டரிங் சேவை இனி கிடைக்காது. பேக் செய்யப்பட்ட பொருட்கள் , சாப்பிடத் தயாராக உள்ள சில உணவுகள், பாட்டில் குடிநீர், தேநீர், காபி மற்றும் பானங்கள் ஆகியவை மட்டுமே கிடைக்கும். மேலும் வரையறுக்கப்பட்ட ரயில்களிலும், ஸ்டேஷன் கேட்டரிங் யூனிட்களிலும் இவைகளை கட்டணம் செலுத்தி பெற்றுக்கொள்ளலாம். அரசிடம் இருந்து மறு அறிவிப்பு ஒரு வரை ரயிலில் உணவுகள் வழங்கப்படாது என தெரிவிக்கப்பட்டுள்ளது. எனவே பயணிகள் தங்கள் சொந்த உணவு மற்றும் குடிநீரை எடுத்து செல்ல அறிவுறுத்தப்படுகிறார்கள்.

4. பயணம் செய்யும் ஒவ்வொருவரும் ரயில் நிலையத்திற்குள் நுழைவது முதல் பயணத்தின் இறுதி வரை எப்போதும் முகக்கவசங்களை அணிந்திருக்க வேண்டும் என தெரிவிக்கப்பட்டுள்ளது. மேலும் ரயில் நிலையத்தில் வெப்பத் திரையிடல் மற்றும் டிக்கெட் சோதனைக்கான நீண்ட வரிசையை தவிர்க்க பயணிகள் முன்கூட்டியே நிலையத்திற்கு வந்தடைய அறிவுறுத்தப்படுகிறார்கள். முக்கியமாக நோய் அறிகுறியற்ற பயணிகள் மட்டுமே பயணிக்க அனுமதிக்கப்படுகிறார்கள்.

5. படுக்கை மற்றும் திரைச்சீலைகள் போன்ற அனைத்து அடிப்படை வசதிகளும் ரயிலுக்குள் இனி வழங்கப்படாது என்பதால் பயணிகள் தங்களது சொந்த துணி மற்றும் போர்வைகளை கொண்டு வருமாறு கேட்டுக்கொள்ளப்படுகிறார்கள்.

6. பயணிகள் ரயில் நிலையத்திலும், ரயில்களிலும் சமூக இடைவெளியை பராமரிக்க வேண்டும். மேலும் இலக்கை அடைந்த பிறகு, பயணிகள் இலக்கு நிலை / யூடி பரிந்துரைத்தபடி சுகாதார நெறிமுறைகளை கடைபிடிக்க வேண்டும் என கேட்டுக் கொள்ளப்பட்டுள்ளது.

7. குறிப்பாக பயணிகள் அனைவரும் தங்கள் ஸ்மார்ட்போன்களில் ஆரோக்ய சேது செயலியை பதிவிறக்கம் செய்து பயன்படுத்துவது கட்டாயமாக்கப்பட்டுள்ளது என தெரிவித்துள்ளனர்.