3 பேருக்கு கொரோனா : ஒட்டன்சத்திரம் காய்கறிச் சந்தை ஒரு வாரத்திற்கு மூடல்

தமிழகத்தின் இரண்டாவது மாபெரும் காய்கறிச் சந்தையான ஒட்டன்சத்திரம் சந்தை ஒரு வாரத்துக்கு மூடப்பட்டுள்ளது.

புகழ்பெற்ற ஒட்டன்சத்திரம் காந்தி மற்றும் காமராஜர் காய்கறிச் சந்தையானது, தற்காலிகமாக நான்கு இடங்களில் செயல்பட்டு வந்தது.

இந்தநிலையில், கடந்த இரு தினங்களுக்கு முன்பு காந்தி காய்கறி சந்தையில், கடை உரிமையாளர் உட்பட 3 பேருக்கு கொரோனா தொற்று உறுதியானது.

இதனைத்தொடர்ந்து வியாபாரிகள் தாமாக முன்வந்து இன்று முதல் 21-ம் தேதி வரை, காய்கறிச் சந்தைகளுக்கு விடுமுறை அளிப்பதாக அறிவித்தனர்.

மேலும் இந்த ஏழு நாட்களுக்கு கடை உரிமையாளர்கள், தொழிலாளர்கள், வியாபாரிகள் என அனைவரும் தனிமைப்படுத்திக் கொள்ள வேண்டும் எனவும் சுகாதாரத்துறை அறிவுறுத்தியுள்ளது.