கப்பலில் பரிதவிக்கும் ஜப்பானியர்கள்... 61 பேருக்கு கொரோனா உறுதி...!

சீனாவில் கொரோனா பாதிப்பு கட்டுக்கடங்காமல் சென்று கொண்டுள்ளது. நேற்று இதன் தீவிரம் அதிகரித்து, உயிரிழந்தோரின் எண்ணிக்கை 630-க் கடந்துள்ளது. 30,000 பேர் இந்த வைரஸால் பாதிக்கப்பட்டுள்ளனர்.

இதனிடையே ஜப்பானின் சொகுசு கப்பலான டைமண்ட் பிரின்சஸ் கப்பலில் பயணம் செய்த பயணிகளில் 61 பேருக்கு கொரோனா பாதிப்பு உள்ளது.

இந்த தகவலை சர்வதேச செய்தி நிறுவனமான ஏ. எஃப்.பி (Agence France-Presse international news agency) நிறுவனம் வெளியிட்டுள்ளது.

கடந்த மாதம் 20-ம் தேதி ஜப்பானின் யோகோஹாமாவில் இருந்து சீனாவில் கட்டுப்பாட்டில் இருக்கும் ஹாங்காங்கிற்கு டைமண்ட் பிரின்சஸ் என்ற சொகுசு கப்பல் பயணித்தது.

இதில் பயணிகள் மற்றும் கப்பலில் பணியாற்றும் ஊழியர்கள் என 3,745 பேர் பயணம் செய்தனர்.

அதன் பின்னர் அந்த சொகுசு கப்பல் ஹாங்காங்கில் இருந்து மீண்டும் ஜப்பானுக்கு புறப்பட்டது.

இதற்கிடையே, கப்பலில் பயணித்த 80 வயது முதியவருக்கு கொரோனா பாதிப்பு இருப்பது உறுதி செய்யப்பட்டது.

பின்னர் ஜப்பான் அதிகாரிகள் கப்பலை தனிமை படுத்தி ஜப்பானின் யோகாஹாமா துறைமுகத்திற்குள் விட மறுத்தனர்.

தற்போது கப்பலில் உள்ள 61 பேருக்கு கொரோனா பாதிப்பு இருப்பதாக சர்வதேச செய்தி நிறுவனமான ஏ. எஃப்.பி (Agence France-Presse international news agency) நிறுவனம் செய்தி வெளியிட்டுள்ளது.