உலகளவில் 63.62 லட்சம் பேருக்கு கொரோனா தொற்று உறுதி - 3.77 லட்சம் பேர் உயிரிழப்பு

உலகம் முழுவதும் கொரோனா பெருந்தொற்றால் பாதிக்கப்பட்டோர் எண்ணிக்கை 63 லட்சத்து 62 ஆயிரத்தை கடந்துள்ள நிலையில், 3 லட்சத்து 77 ஆயிரத்துக்கும் மேற்பட்டோர் உயிரிழந்துள்ளனர்.

அமெரிக்காவில் புதிதாக 22 ஆயிரம் பேர் உட்பட 18 லட்சத்து 59 ஆயிரம் பேர் தொற்று பாதிப்புக்கு ஆளாகியுள்ளனர். அங்கு ஒரு லட்சத்து 6 ஆயிரத்துக்கும் மேற்பட்டோர் இறந்துள்ளனர்.

பிரேசிலில் புதிதாக கடந்த 24 மணி நேரத்தில் 14 ஆயிரம் பேருக்கு கொரோனா உறுதி செய்யப்பட்டதால் நோயால் பாதிக்கப்பட்டோர் எண்ணிக்கை 5 லட்சத்து 29 ஆயிரத்தை தாண்டியது.

ரஷ்யாவில் 4 லட்சத்து 14 ஆயிரம் பேருக்கும், ஸ்பெயினில் 2 லட்சத்து 86 ஆயிரம் பேருக்கும் தொற்று கண்டறியப்பட்டுள்ளது.

உலகளவில் 29 லட்சத்துக்கும் அதிகமானோர் தொற்று பாதிப்பில் இருந்து மீண்டு வந்துள்ளனர்.