’கடந்த 24 மணி நேரத்தில்...’ - இந்தியாவில் கொரோனா புதிய பாதிப்பு, உயிரிழப்பு விபரங்கள்

இந்தியாவில் கடந்த 24 மணி நேரத்தில் 19,459 பேருக்கு தொற்று கண்டறியப்பட்டுள்ளது. இதனால் மொத்த பாதிப்பு 5 லட்சத்து 48 ஆயிரத்தை தாண்டியுள்ளது.

மேலும் 380 பேர் இறந்ததால், உயிரிழப்பு 16475-ஆக அதிகரித்துள்ளது. அதிகபட்சமாக மகாராஷ்டிராவில் 1,64,626 பேருக்கு தொற்று உறுதியான நிலையில், இறப்பு 7429-ஐ கடந்துள்ளது.

அதைத் தொடர்ந்து டெல்லியில் தொற்று பாதிப்பு 83077 ஆகவும், உயிரிழப்பு 2623 ஆகவும் அதிகரித்துள்ளது. குஜராத்தில் வைரஸ் பாதிப்பு 31 ஆயிரத்தை கடந்துள்ள நிலையில், உத்தரபிரதேசத்தில் 22 ஆயிரம் பேர், ராஜஸ்தான், மேற்குவங்கத்தில் தலா 17 ஆயிரம் பேருக்கும் மேல் தொற்று பாதிப்புக்கு ஆளாகியுள்ளனர்.

கொரோனாவில் இருந்து மீண்டு வீடு திரும்பியோரின் எண்ணிக்கை 3.21 லட்சத்தை கடந்துள்ளது.