இந்தியாவில் 49,391-ஆக உயர்ந்தது கொரோனா பாதிப்பு எண்ணிக்கை..!

இந்தியாவில் கொரோனாவால் பாதிக்கப்பட்டவர்கள் எண்ணிக்கை 50 ஆயிரத்தை நெருங்கி வருகிறது. கடந்த 24 மணி நேரத்தில் புதிதாக 2 ஆயிரத்து 958 பேருக்கு தொற்று உறுதி செய்யப்பட்டுள்ளது.

இதனால் கொரோனாவால் பாதிக்கப்பட்டவர்கள் எண்ணிக்கை 49 ஆயிரத்து 391 ஆகியுள்ளது.

24 மணி நேரத்தில் 126 பேர் உயிரிழந்ததால் மரணமடைந்தவர்கள் எண்ணிக்கை ஆயிரத்து 694 ஆக அதிகரித்துள்ளது.14 ஆயிரத்து 183 பேர் குணமடைந்து வீடு திரும்பியுள்ளனர்.

1நாட்டிலேயே அதிகபட்சமாக மகாராஷ்டிராவில் 24 மணி நேரத்தில் 984 பேருக்கு தொற்று உறுதி செய்யப்பட்டுள்ளது. அங்கு உயிரிழந்தவர்கள் எண்ணிக்கை 600-ஐ தாண்டியுள்ளது.

குஜராத்தில் பாதிக்கப்பட்டவர்கள் எண்ணிக்கை 6 ஆயிரத்தைக் கடந்துள்ளது. கடந்த 24 மணி நேரத்தில் அங்கு 49 பேர் உயிரிழந்துள்ளனர்.

டெல்லியில் 5 ஆயிரத்து 104 பேரும், ராஜஸ்தான் மற்றும் மத்திய பிரதேசத்தில் தலா 3 ஆயிரத்திற்கும் மேற்பட்டோருக்கும் தொற்று உறுதியாகியுள்ளது.

மேற்கு வங்கத்தில் உயிரிழந்தவர்கள் எண்ணிக்கை 140-ஆக அதிகரித்துள்ளது.