சற்றே ஆறுதல் தரும் செய்தி - சில வாரங்களுக்குப் பிறகு குறைந்த ஒருநாள் புதிய தொற்று

இந்தியாவில் கடந்த 24 மணி நேரத்தில் புதிதாக கொரோனாவால் பாதிக்கப்பட்டோரின் எண்ணிக்கை 53,601 ஆக குறைந்துள்ளது.

கடந்த சில வாரங்களாக 55,000க்கும் அதிகமானோருக்கு தொற்று உறுதியாகி வந்த நிலையில் கடந்த 24 மணி நேரத்தில் இந்த எண்ணிக்கை சரிந்துள்ளது. புதிதாக 871 பேர் உயிரிழந்துள்ளனர்.

இந்தியாவில் மொத்தம் 22, 68,676 பேர் இதுவரை கொரோனாவால் பாதிக்கப்பட்டுள்ளதாகவும், 15,83,490 பேர் குணமடைந்துள்ளதாகவும், 6,39,929 பேர் சிகிச்சையில் உள்ளதாகவும் மத்திய சுகாதாரத்துறை தெரிவித்துள்ளது.

இதுவரை உயிரிழப்பு எண்ணிக்கை 45, 257 ஆக உயர்ந்துள்ளது. இந்தியாவில் குணமானோர் விகிதம் 69.80 விழுக்காடாகவும், சிகிச்சையில் உள்ளோரின் விகிதம் 28.21 விழுக்காடாகவும், இந்தியாவில் இறப்பு விகிதம் 2 விழுக்காடுக்கு கீழ் சென்றுள்ளதாகவும் சுகாதாரத்துறை தெரிவித்துள்ளது.

இந்தியாவில் இறப்பு விகிதம் 1.99 விழுக்காடாக உள்ளது.