2500 குடும்பத்தினருக்கு நிவாரணப் பொருட்கள் வழங்கிய பிச்சம்மை அறக்கட்டளை!

கொரோனாவால் மக்கள் தங்கள் வீடுகளில் முடங்கி உள்ளனர். இதனால் வேலைக்கு எதுவும் செல்லாமல் வாழ்வாதாரத்திற்காக சிரமப்பட்டு வருகின்றனர்.

இதையறிந்த பல்வேறு தன்னார்வலர்கள் தங்களால் ஆன உதவிகளை செய்து வருகின்றனர்.

அந்த வகையில் சிவகங்கை மாவட்டம் காரைக்குடி அருகே கல்லலை சேர்ந்த ஆமு.ஆ குடும்பத்தார்களின் பிச்சம்மை கல்வி மற்றும் தொண்டு அறக்கட்டளை நிர்வாகத்தினர் கல்லல் ஊராட்சிக்கு உட்பட்ட பகுதியில் வசிக்கும் 2450 குடும்பத்தாருக்கும் தலா ரூ.700 மதிப்பில் சுமார் 18 லட்சம் மதிப்பில் நிவாரண பொருட்களை வழங்கி வருகின்றனர்.

சமூக விலகலை கடைபிடிக்கும் வகையில் நேற்று ரேஷன்கார்டு வாரியாக டோக்கன் வழங்கி டோக்கன் பெற்ற அனைவருக்கும் இன்று காலை முதல் 5 கிலோ அரிசி மற்றும் பருப்பு, எண்ணைய், மாஸ்க் உள்பட மளிகை பொருட்கள் அடங்கிய பை வழங்கப்பட்டது.

பிச்சம்மை கல்வி அறக்கட்டளை நிர்வாகத்தினர் ஏற்கனவே கல்லல் பகுதியில் ஏழை மக்கள் பயன் பெறும் வகையில் 10 ரூபாய்க்கு காலை ,மதியம் இரு வேளை உணவு வழங்கி வருகின்றனர்.

தற்போது ஊரடங்கால் உணவகம் மூடி இருப்பதால் மக்கள் பயன் பெறும் வகையில் சமூக தொண்டாற்றி வருகின்றனர்.