இந்தியாவில் மேலும் 47 ஆயிரம் பேருக்கு கொரோனா தொற்று...

இந்தியாவில் கடந்த 24 மணி நேரத்தில் 47,704 பேருக்கு தொற்று உறுதியானதால், மொத்த பாதிப்பு எண்ணிக்கை 14 லட்சத்து 83 ஆயிரத்தை கடந்துள்ளது.

மேலும் 654 பேர் மரணமடைந்ததால், இறப்பு எண்ணிக்கை 33425 ஆக அதிகரித்துள்ளது.

மகாராஷ்டிராவில் தொற்று பாதிப்பு 3 லட்சத்து 83 ஆயிரமாகவும், உயிரிழப்பு 13883 ஆகவும் அதிகரித்துள்ளது. டெல்லியில் ஒரு லட்சத்து 31 ஆயிரம் பேரும், கர்நாடகாவில் 1,01,400 க்கும் மேற்பட்டோரும் தொற்று பாதிப்புக்கு ஆளாகியுள்ளனர்.

நாடு முழுவதும் 9 லட்சத்து 52 ஆயிரத்துக்கும் மேற்பட்டோர் வைரஸ் பாதிப்பில் இருந்து மீண்டு வந்துள்ளனர். நேற்று ஒரே நாளில் 5 லட்சத்து 28 ஆயிரம் மாதிரிகள் பரிசோதிக்கப்பட்டுள்ளதாக மத்திய சுகாதாரத்துறை அமைச்சகம் தெரிவித்துள்ளது.