கொரோனாவிலிருந்து மீள்பவர்கள் எண்ணிக்கை - இந்தியா தொடர்ந்து முதலிடம்

கொரோனாவில் இருந்து குணமடைந்தோர் எண்ணிக்கையில், உலகளவில் இந்தியா தொடர்ந்து முதலிடம் வகித்து வருகிறது.

இந்தியாவில் கொரோனாவின் பாதிப்பு 65 லட்சத்தை கடந்துள்ள போதிலும், அவற்றில் குணமடைந்தவர்களின் எண்ணிக்கையும் 55 லட்சத்தை தாண்டியுள்ளது. இது உலகளவில் முதல் இடம் ஆகும்.

அமெரிக்காவில் 76 லட்சம் பேர் பாதிக்கப்பட்ட நிலையில், அங்கு 48 லட்சம் பேர் தொற்றில் இருந்து மீண்டு வந்துள்ளனர்.

அதேபோல பிரேசில் நாட்டிலும் மொத்தம் பாதிக்கப்பட்ட 49 லட்சம் பேரில், 42 லட்சம் கொரோனாவில் இருந்து மீண்டுள்ளனர்.