இந்தியாவில் கொரோனா பாதிப்பு எண்ணிக்கை 2.19 லட்சமாக உயர்வு

இந்தியாவில் இதுவரை இல்லாத அளவாக ஒரே நாளில் 9,615 பேருக்கு தொற்று கண்டறியப்பட்டுள்ளது.

இதனால், மொத்த நோய் பாதிப்பு 2,19,000 கடந்துள்ளது. மேலும், 270 பேர் உயிரிழந்ததால் கொரோனாவால் இறந்தோர் எண்ணிக்கை 6,349ஆக அதிகரித்துள்ளது.

உலகளவில் தொற்று பாதிப்பில் ஒப்பிடுகையில் பிரேசில், அமெரிக்காவை தொடர்ந்து இந்தியாவில் ஒரே நாளில் அதிகம் பேருக்கு கொரோனா பாதிப்பு கண்டறியப்பட்டுள்ளது.

அதிகபட்சமாக மகாராஷ்டிராவில் ஒரே நாளில் 2,933 பேருக்கு தொற்று உறுதியானதால், அங்கு மொத்த பாதிப்பு 78,000ஐ நெருங்கியது.

டெல்லியில் புதிதாக 1,359 பேருக்கு தொற்று கண்டறியப்பட்டுள்ளது என்பது குறிப்பிடத்தக்கது.