இந்தியாவில் கொரோனா உயிரிழப்பு தொடர்ந்து அதிகரிப்பு: நாடு முழுவதும் 98,628 பேர் தொற்று பாதிப்பால் மரணம்..

இந்தியாவில் கொரோனாவால் உயிரிழந்தவர்கள் மற்றும் பாதிக்கப்பட்டவர்களின் எண்ணிக்கை, செப்டம்பர் மாதத்தில் உச்சத்தை தொட்டுள்ளது.நாடு முழுவதும் கொரோனா உயிரிழப்பு தொடர்ந்து அதிகரித்த வண்ணம் இருந்து வரும் நிலையில், இந்தியாவில் இதுவரை 98,628 பேர் வைரஸ் தொற்றுக்கு மரணமடைந்துள்ளனர்.

இதில், அதிகபட்சமாக செப்டம்பர் மாதத்தில் மட்டும் 33,255 பேர் உயிரிழந்துள்ளனர். இது மொத்த உயிரிழப்பு சதவீதத்தில் 33.7 ஏழு சதவீதம் ஆகும். இதற்கு முன்னதாக ஆகஸ்டில் 28,859 பேர் உயிரிழந்தனர்.

ஜுலை மாதத்தில் உயிரிழப்பு எண்ணிக்கை 19,122 ஆக இருந்தது. ஜுன் மாதத்தில் 11,988 பேரும், மே மாதத்தில் 4267 பேரும் கொரோனா தொற்றுக்கு உயிரிழந்துள்ளனர்

அதேபோல கொரோனா பாதிப்பு 63 லட்சத்தை எட்டியுள்ள நிலையில், அதில் செப்டம்பர் மாதத்தில் மட்டுமே 41 சதவீதம் பதிவாகியுள்ளது கடந்த 30 நாட்களில் 26,24, 179 பேருக்கு வைரஸ் தொற்று கண்டறியப்பட்டுள்ளது. ஆகஸ்ட் மாதத்தில் 19,87,705 பேர் கொரோனா தொற்றுக்கு ஆளாகி இருந்தது குறிப்பிடத்தக்கது.