முதல்முறையாக கொரோனா இறப்பு விகிதம் 2.5 விழுக்காட்டிற்குக் கீழ் சரிந்தது - மத்திய சுகாதாரத்துறை தகவல்

மகாராஷ்டிராவில் முன்னெப்போதும் இல்லாத அளவாக ஒரே நாளில் 9,500 பேருக்கு கொரோனா பாதிப்பு கண்டறியப்பட்டுள்ளது. இதனால், அங்கு மொத்த பாதிப்பு எண்ணிக்கை 3 லட்சத்து 10,000கடந்துள்ள நிலையில், உயிரிழப்பு 11,854ஆக அதிகரித்துள்ளது.

டெல்லியில் மேலும் ஆயிரத்து 200 பேருக்கு தொற்று உறுதியானதால், மொத்த பாதிப்பு எண்ணிக்கை ஒரு லட்சத்து 22,800ஐ நெருங்கியுள்ளது.

ஆந்திராவில் 5,041 பேருக்கும், கர்நாடகாவில் 4,120 பேருக்கும் ஒரே நாளில் வைரஸ் பாதிப்பு கண்டறியப்பட்டுள்ளது.

நாடு முழுவதும் தொற்று பாதிப்பில் இருந்து மீண்டோர் எண்ணிக்கை 6 லட்சத்து 77000-ஆக உயர்ந்துள்ளதுடன், இறப்பு விகிதம் முதல் முறையாக 2.5 விழுக்காட்டிற்குக் கீழ் சரிந்துள்ளதாக மத்திய சுகாதாரத்துறை அமைச்சகம் தெரிவித்துள்ளது.