தமிழகத்தில் இன்று ஒரே நாளில் கொரோனாவுக்கு 110 பேர் உயிரிழப்பு - 6272 பேர் டிஸ்சார்ஜ்

தமிழகத்தில் இன்று 5684 பேருக்கு கொரோனா தொற்றால் பாதிக்கப்பட்டுள்ளனர். ஏற்கெனவே சிகிச்சை பெற்று வந்தவர்களில் 110 பேர் உயிரிழந்துள்ளனர். 6272 பேர் குணமடைந்து வீடு திரும்பியுள்ளனர்.

தமிழகத்தில் கொரோனா பரவல் எல்லா மாவட்டங்களிலும் உள்ளது.

இன்று தமிழகத்தில் அதிகபட்சமாக சென்னையில் 1091 பேரும், செங்கல்பட்டில் 408 பேரும் கொரோனா தொற்றால் பாதிக்கப்பட்டுள்ளனர்.

அடுத்ததாக காஞ்சிபுரத்தில் 336 பேரும், திருவள்ளூரில் 320 பேரும் பாதிக்கப்பட்டுள்ளனர்.

சென்னையில் 22 பேர், மதுரையில் 9 பேர் என தமிழகத்தில் இன்று ஒரே நாளில் 110 பேர் உயிரிழந்துள்ளனர்.