இந்தியாவில் ஒரே நாளில் 6,510 பேருக்கு கொரோனா பாதிப்பு..! 124000-ஐக் கடந்தது எண்ணிக்கை..!

இந்தியாவில் புதிதாக 6 ஆயிரத்து 510 பேருக்கு கொரோனா கண்டறியப்பட்டதால், நோயால் பாதிக்கப்பட்டோர் எண்ணிக்கை ஒரு லட்சத்து 24 ஆயிரத்தை கடந்துள்ளது.

கடந்த 24 மணி நேரத்தில் 148 பேர் உயிரிழந்த நிலையில், இறப்பு எண்ணிக்கை 3 ஆயிரத்து 720 ஆக அதிகரித்துள்ளது.

இதுவரை இல்லாத அளவுக்கு, மகாராஷ்டிரா மாநிலத்தில் ஒரே நாளில் இரண்டாயிரத்து 940 பேர் தொற்றால் பாதிக்கப்பட்டுள்ளனர். 63க்கும் அதிகமானோர் உயிரிழந்துள்ளனர்.

மகாராஷ்டிராவில் கொரோனாவால் பாதிக்கப்பட்டோர் எண்ணிக்கை தொடர்ந்து ஆறாவது நாளாக இரண்டாயிரத்தை கடந்துள்ளது.

மும்பை தாராவியில் மட்டும் 53 பேர் தொற்றால் பாதிக்கப்பட்ட நிலையில், மாநிலத்தில் தொற்றால் பாதிக்கப்பட்டோர் எண்ணிக்கை 44 ஆயிரத்து 500-ஐ கடந்துள்ளது.