இந்தியாவில் மூன்று மாதங்களில் இல்லாத அளவுக்கு கொரோனா பாதிப்பு - 30,000-ஐ நெருங்கிய ஒருநாள் பாதிப்பு

இந்தியாவில் கடந்த 94 நாட்களில் இல்லாத அளவிற்கு, நேற்று ஒரே நாளில் 28,903 பேருக்கு கொரோனா தொற்று உறுதி செய்யப்பட்டுள்ளது.

இதனால் பாதிக்கப்பட்டவர்களின் எண்ணிக்கை, 1,14,38,000ஐ கடந்துள்ளது. சிகிச்சைக்குப் பிறகு  17,741 பேர் டிஸ்சார்ஜ் செய்யப்பட்டதால், குணமடைந்தவர்களின் எண்ணிக்கை 1,10,45,000ஐ கடந்துள்ளது.

தற்போது, நாடு முழுவதும் 2,34,000 பேர் கொரோனாவுக்கு சிகிச்சைப் பெற்று வருகின்றனர்.

இதனிடையே, சிகிச்சைப் பலனின்றி மேலும் 188 பேர் பலியானதால், கொரோனாவால் உயிரிழந்தவர்களின் எண்ணிக்கை 1,59,044 ஆக அதிகரித்துள்ளது.