சீனாவில் 18 பேருக்கு இந்தியாவில் பரவும் டபுள் மியூடண்ட் வைரஸ் தொற்று பாதிப்பு

இந்தியாவில் கொரோனா 2-வது அலை தற்போது தீவிரமடைந்து வருகிறது. கொரோனா வைரஸால் நாள் ஒன்றுக்கு பாதிக்கப்படுபவர்களின் எண்ணிக்கை 4 லட்சத்தை கடந்துள்ள நிலையில் உயிரிழப்பும் அதிகரித்து கொண்டே வருகிறது.

இந்தியாவில் 2-வது அலையின் பாதிப்பே தாங்க முடியாத நிலையில் 3-வது அலை எப்போது வேண்டுமானாலும் உருவாகலாம் என விஞ்ஞானிகள் எச்சரித்துள்ளனர். கொரோனா 3-வது அலை உருவாகும் என்று எச்சரிக்கப்பட்டுள்ளதால் பொதுமக்கள் மிகுந்த அச்சத்தில் உள்ளனர்.

இந்தியாவில் பரவி வரும் டபுள் மியூடண்ட் வகையைச் சேர்ந்த கொரோனா வைரஸ் சீனாவிலும் தற்போது பரவ தொடங்கி உள்ளது. கடந்த மாதம் டெல்லியிலிருந்து காத்மாண்டு வழியாக 3 பேர் சீனா சென்றுள்ளனர். அவர்கள் சீனாவின் பல்வேறு இடங்களுக்கு சென்று வந்த நிலையில் அவர்களுக்கு கொரோனா பாதிப்பு ஏற்பட்டுள்ளது.

சீனாவை சேர்ந்த 3 பேருக்கும் இந்தியாவின் டபுள் மியூடண்ட் கொரோனா வைரஸான B.1.617.2 வகையைச் சேர்ந்தது என்று கண்டறியப்பட்டது. இதையடுத்து சீனாவில் பலபேருக்கு இந்த புதிய வைரஸ் தொற்று ஏற்பட்டிருக்கலாம் என அஞ்சப்படுகிறது.

உலகையே புரட்டி போட்டு இருக்கும் கொரோனா வைரஸின் சீனாவில் ஊஹான் மாகாணத்திலிருந்து இருந்து தான் பரவியது. தற்போது சீனாவில் இந்த வைரஸ் கட்டுப்படுத்த நிலையில் இந்தியாவை தீவிரமாக பரவி வருகிறது. தற்போது இந்தியாவிலிருந்து புதிய வைரஸ் சீனாவிற்கு பரவி வருகிறது.