இந்தியாவில் 52,952,பேருக்கு கொரோனா பாதிப்பு

இந்தியாவில் கொரோனாவால் பாதிக்கப்பட்டவர்கள் எண்ணிகை 53 ஆயிரத்தை நெருங்கி வருகிறது. கடந்த 24 மணி நேரத்தில் புதிதாக மூவாயிரத்து 561 பேருக்கு தொற்று கண்டறியப்பட்டுள்ளதால் பாதிக்கப்பட்டவர்கள் எண்ணிக்கை 52 ஆயிரத்து 952-ஆக அதிகரித்துள்ளது

இதில் 89 பேர் மரணமடைந்ததன் மூலமாக உயிரிழந்தவர்கள் எண்ணிக்கை ஆயிரத்து 783 ஆகியுள்ளது. இதுவரை 15 ஆயிரத்து 267 பேர் குணமடைந்து வீடு திரும்பியுள்ளனர்.

கடந்த 4 நாட்களில் மட்டும் 13 ஆயிரத்திற்கும் மேற்பட்டோருக்கு தொற்று கண்டறியப்பட்டுள்ளது.

நாட்டிலேயே அதிகபட்சமாக மகாராஷ்டிராவில் 24 மணி நேரத்தில் ஆயிரத்து 233 பேருக்கு தொற்று உறுதி செய்யப்பட்டுள்ளது.

அங்கு உயிரிழந்தவர்கள் எண்ணிக்கை 650-ஐ தாண்டியுள்ளது. குஜராத்தில் பாதிக்கப்பட்டவர்கள் எண்ணிக்கை 6 ஆயிரத்து 625-ஆக அதிகரித்துள்ளது.

டெல்லியில் 5 ஆயிரத்து 532 பேரும், ராஜஸ்தான் மற்றும் மத்திய பிரதேசத்தில் தலா 3 ஆயிரத்திற்கும் மேற்பட்டோருக்கும் தொற்று உறுதியாகியுள்ளது.

கேரளாவில் புதிதாக யாருக்கும் பாதிப்பு இல்லை.