கோவையில் 106 வயது மூதாட்டிக்கு பிறந்தநாள் கொண்டாட்டம்.. கிடா வெட்டி விருந்தளித்த பேரன் பேத்திகள்.!

தடாகம் சாலை கணுவாய் பகுதியை சேர்ந்தவர் கிருஷ்ணம்மாள்(106 வயது). 1917ல் பிறந்த இவருக்கு நேற்று 106 வது பிறந்தநாள் கொண்டாடபட்டது.

இந்த பிறந்தநாளை அவரது குடும்பத்தார், பேரன் ,பேத்திகள் இணைந்து விமர்சையாக கிடா வெட்டி அப்பகுதி மக்களுக்கு விருந்தளித்து கொண்டாடினர்.

மேலும் பாட்டிக்கு பொன்னாடை போற்றி கிரீடம் வைத்து அழகுபடுத்தி வாழ்த்துக்கள் தெரிவித்தனர். இந்த பிறந்தநாள் கொண்டாட்டத்தில் கலந்து கொண்டவர்கள் சுமார் 3 தலைமுறைகளை கண்ட இவரது காலில் விழுந்து வணங்கினர்.

சொந்த பெற்றோரையே உதறிவிடும் காலத்தில் தங்களது 106 வயது பாட்டிக்கு பிறந்தநாள் கொண்டாடிய நிகழ்வு காண்போரை நெகழ்ச்சியில் ஆழ்த்தி உள்ளது.

கோவையில் 106 வயது மூதாட்டியின் பிறந்தநாளை கொண்டாடும் இந்த நிகழ்வு சமூக வலைதளங்களில் வேகமாக பரவுகிறது.