சுனாமி குடியிருப்பு பகுதியில் சமத்துவ பொங்கல் கொண்டாட்டம்... போட்டி, டான்ஸ் என களைக்கட்டியது விழா!

செம்மஞ்சேரி சுனாமி குடியிருப்பு பகுதியில் காவல்துறை சார்பில் சமத்துவ பொங்கல் விழாவில் கோலாகலமாக நடைபெற்றது.

சென்னை செம்மஞ்சேரி காவல் ஆய்வாளர் நடராஜன் தலைமையில் காவல்துறை சார்பில் நடத்தப்பட்டு வரும் சிறார், சிறுமியர் பள்ளி மற்றும் மகளிர் சுய உதவிக்குழுக்களுக்கு பொங்கல் பண்டிகையையொட்டி பல்வேறு போட்டிகள் நடைபெற்றது.

இதில் சிறப்பு விருந்தினராக செம்மஞ்சேரி காவல் உதவி ஆணையாளர் ரியாசுதின் கலந்து கொண்டு பொங்கல் நிகழ்ச்சியை துவக்கி வைத்து பெண்களுக்குள் நடைபெற்ற பல்வேறு போட்டிகளையும் துவக்கி வைத்தார்.

இந்த பொங்கல் நிகழ்ச்சியில் கலந்துகொண்ட பல்வேறு மகளிர் சுய உதவிக் குழுவினர் இசைக்கேற்ப நடனமாடியும், குடும்பம் என்ற தலைப்பில் கணவன் குடிப்பதால் என விளைவு நேரிடும் என்றும், பெண்கள் சுய உதவிக்குழுக்களால் என்ன மாதிரியான பலனடைகின்றனர் என்ற விழிப்புணர்வு நாடகத்தையும் அரங்கேற்றினர்.

இதில் சிறார் மற்றும் சிறுமியர் பள்ளியை சேர்ந்த சிறுவர்கள் பரதம் உள்ளிட்ட பல்வேறு நடனமாடி காண்போரை கவர்ந்தனர்.

முன்னதாக பெண்களுக்காக நடத்தப்பட்ட கோலா போட்டி, பொங்கல் போட்டி, கயிறிழுக்கும் போட்டி, மியூசிக்கல் சேர் ஆகியவற்றில் வெற்றி பெற்ற தனி நபர்களுக்கும், சுய உதவி குழுவினருக்கும் செம்மஞ்சேரி உதவி ஆணையர் ரியாசுதின் மற்றும் ஆய்வாளர் நடராஜன் இருவரும் பரிசு மற்றும் ஊக்கத்தொகையை வழங்கினர். தொடர்ந்து சிறப்பாக நடனமாடிய 4 சிறுமியர்களுக்கு ஆய்வாளர் நடராஜன் தலா 500 ரூபாய் வழங்கி வாழ்த்து தெரித்தார்.