இனி வாட்ஸ்அப் மூலம் மெட்ரோ டிக்கெட்டுகள்... மெட்ரோ நிர்வாகம் அறிவிப்பு...!

கியூ ஆர் கோடு, மெட்ரோ பயன் அட்டை, சிங்காரச் ஸ்மார்ட் கார்டு வரிசையில் பயணிகளுக்கு வாட்ஸ் அப் மூலமாக டிக்கெட் பெறும் வசதியை மெட்ரோ ரயில் நிர்வாகம் அறிமுகம் செய்துள்ளது.

மெட்ரோ ரயில் நிலையங்களில் உள்ள வாட்ஸ்அப் க்யூ ஆர் கோடுகளை ஸ்கேன் செய்து கொண்டோ அல்லது 8300086000 என்ற எண்ணில் வாட்ஸ் அப் மூலமாகவோ பயணிகளுக்கு டிக்கெட் பெறும் வசதி அறிமுகப்படுத்தப்பட்டுள்ளது.

கொடுக்கப்பட்ட எண்ணிற்கு நீங்கள் "HI" என மெசேஜ் செய்தால், உங்களுக்கு மெட்ரோ நிர்வாகம் சார்பில் ரிப்ளை வரும். அதில் உங்கள் மொழியை நீங்கள் தேர்வு செய்துகொள்ளலாம்.

இதையடுத்து, உங்களுடைய டிக்கெட்டை புக் செய்து, உங்கள் அருகில் இருக்கும் மெட்ரோ ஸ்டேஷனையோ அல்லது உங்களுக்கு விருப்பமுள்ள நிலையத்தையோ நீங்கள் தேர்வு செய்ய வேண்டும்.

இதையடுத்து, நீங்கள் 6 டிக்கெட் வரை எடுக்கலாம். பிறகு, நீங்கள் UPI மூலமாகவோ அல்லது டெபிட் கார்ட் விவரங்களை பயன்படுத்தியோ கட்டணத்தை செலுத்தி, டிக்கெட்டை எடுக்கலாம்.