விடுமுறை நாளில் சென்னையில் ஸ்தம்பித்த முக்கிய சாலைகள்... வாகன ஓட்டிகள் கடும் அவதி!

ஞாயிற்றுக்கிழமை விடுமுறை தினமான இன்று அசோக் நகர், கே.கே.நகர், வடபழனி, கோயம்பேடு ஆகிய பகுதிகளில் கடும் போக்குவரத்து நெரிசல் ஏற்பட்டுள்ளது.

அதேபோல் எம்.எம்.டி.ஏ காலனி, வடபழனி மேம்பாலம் உள்ளிட்ட பகுதியில் சாலையின் இருபுறமும் மிகக்கடுமையான போக்குவரத்து நெரிசல் ஏற்பட்டுள்ளது.

சுமார் 6 கிலோ மீட்டர் தூரத்திற்கு மிக கடுமையான போக்குவரத்து நெரிசலில் வாகனங்கள் அணிவகுத்து நிற்கின்றன.

வடபழனி உயர் மட்ட மேம்பாலத்திலும் வாகனங்கள் அனைவருக்கும் இருக்கின்றன.

இருசக்கர வாகனங்கள், நான்கு சக்கர வாகனங்கள், அரசு பேருந்துகள் என அனைத்து வாகனங்களும் மெல்ல மெல்ல ஊர்ந்தபடி செல்கின்றன.

இன்று ஞாயிற்றுக்கிழமை என்பதால் போக்குவரத்து போலீசார் யாரும் அதிக அளவில் பணியில் ஈடுபடாததால் ஏற்பட்டுள்ள போக்குவரத்து நெரிசலை சரி செய்ய முடியாத நிலை ஏற்பட்டுள்ளது.

சென்னையில் இன்று ஏற்பட்டுள்ள போக்குவரத்து நெரிசலால்  வாகன ஓட்டிகள் கடும் அவதிக்குள்ளாகினர்.