காவலர் குடியிருப்பு பொங்கல் விழாவில் குடும்பத்தினருடன் பங்கேற்ற முதல்வர் ஸ்டாலின்

கொண்டித்தோப்பில் உள்ள காவலர் குடியிருப்பில் காவலர் குடும்பங்களுடன் இணைந்து முதலமைச்சர் பொங்கல் விழாவை கொண்டாடினார்.

முதலமைச்சர் ஸ்டாலினுடன் அவரது மனைவி துர்கா ஸ்டாலின், மகனும், அமைச்சருமான உதயநிதி, அவரது மனைவி கிருத்திகா உதயநிதி ஆகியோர் கலந்துகொண்டனர்.

விழாவிற்கு வருகை தந்த முதலமைச்சருக்கு பறை இசை, மேளதாளம் நாதஸ்வரம் முழங்க உற்சாக வரவேற்பு அளிக்கப்பட்டது. பின்னர் குடும்பத்தினருடன் முதலமைச்சர் ஸ்டாலின் பொங்கல் வைத்து வழிபட்டார்.

தொடர்ந்து, காவலர் குடும்பத்தினருக்கு முதலமைச்சர் ஸ்டாலின் பொங்கல் வாழ்த்துக்களை தெரிவித்து பரிசுத்தொகுப்புகளை வழங்கினார்.

காவலர் குடியிருப்பில் குடும்பத்தினருடன் முதலமைச்சர் பொங்கல் வைத்த காட்சி.