அடேங்கப்பா இவ்வளவு கூட்டமா? பொங்கல் பண்டிகையை முன்னிட்டு மெரினாவில் குவிந்த சென்னைவாசிகள்!

மெரினா கடற்கரையில் பொங்கல் பண்டிகையை ஒட்டி, பொதுமக்களின் கூட்டம் சாரை சாரையாகக் குவிந்தனர்.

விடுமுறை தினம் என்பதாலும், வார இறுதி என்பதாலும், மெரினா கடற்கரையில் காலை முதலே உள்ளூர் வாசிகளும், வட மாநிலத்தவர்களும் அதிகளவில் குவிந்தனர்.

புத்தாடை அணிந்து புது பொலிவுடன் குழந்தைகளுடன் கடற்கரை மணலில் விளையாடி மகிழ்ந்தனர்.

மாலை நெருங்கியதும் மக்களின் கூட்டம் பலமடங்காக அதிகரித்தது. கடற்கரையில் 10க்கும் மேற்பட்ட இடங்களில் தற்காலிகமாக உயர் கோபுரம் அமைக்கப்பட்டு பாதுகாப்பு பலப்படுத்தப்பட்டது.

15 ஆயிரம் போலீசார் பணியில் ஈடுபட்டனர். கடல் நீரில் இறங்கி விளையாடும் மக்களுக்கு அவ்வப்போது ஒலிபெருக்கி மூலமாக எச்சரிக்கை விடுக்கப்பட்டது.

பலத்த பாதுகாப்புக்கு நடுவே மக்கள் பொங்கலை உற்சாகமாகக் கொண்டாடிச் சென்றனர்.