தினமும் 6 மணி நேரம் இலவச இன்டர்நெட் டேட்டா.. அள்ளிக்கொடுக்கும் வோடபோன்

ஜியோ, ஏர்டெல் மற்றும் விஐ உள்ளிட்ட நாட்டின் முன்னணி டெலிகாம் நிறுவனங்கள் தங்கள் யூஸர்களின் தேவைகளை பூர்த்தி செய்ய பரந்த அளவிலான பல ப்ரீபெய்ட் பிளான்களை வழங்குகின்றன.இந்தியாவில் உள்ள இந்த 3 முன்னணி டெலிகாம் ஆப்ரேட்டர்கள் வருடாந்திர முதல் மாதாந்திர பிளான் அல்லது பட்ஜெட் முதல் விலை உயர்ந்த கூடுதல் நன்மைகளுடன் கூடிய ரீசார்ஜ் பிளான்களை கொண்டுள்ளன.

குறிப்பாக ஜியோவின் வளர்ச்சி ஏர்டெல், வோடபோன் உள்ளிட்ட நிறுவனங்களை ஆட்டம் காண வைத்தது. ஜியோவுக்கு ஈடு கொடுக்க மற்ற நிறுவனங்களும் போட்டிப்போட்டுக்கொண்டு ஆபர்களை அள்ளி வீசின. இதற்கிடையில் ஐடியாவும் வோடபோனும் சேர்ந்து VI என தொடர்ந்தது.

இந்நிலையில் ப்ரீபெய்டு வாடிக்கையாளர்களுக்கு கொடுக்கப்படும் புது ஆபர்கள் போலவே, போஸ்ட்பெய்ட் சிம் வாடிக்கையாளர்களுக்கும் சிறந்த பிளானை வோடோபோன் அறிமுகம் செய்து வருகிறது. அதில் போஸ்ட்பெய்ட் பயனாளர்களுக்கான முக்கியமான ரீசார்ஜ் பிளான் தான், ரூ.401 சவுத் (Rs 401 South plan).

வோடபோனில் ரூ.401 ப்ளான் ஏற்கெனவே இருப்பதால் இந்த ரீசார்ஜ் பிளானுக்கு 'ரூ.401 சவுத் ப்ளான்' என பெயரிடப்பட்டுள்ளது.

Vi Max 401 South ரீசார்ஜ் ப்ளானின் சிறப்பம்சங்கள்:
மாதம் முழுவதும் அன்லிமிடெட் வாய்ஸ் கால்கள், இலவச 3000 எஸ் எம் எஸ்கள், 50ஜிபி டேட்டா, 200ஜிபி மாதாந்திர டேட்டா ரோல் ஓவர் வசதி ஆகியவை உள்ளன. இதில் 50ஜிபி டேட்டா முடிந்தால் அடுத்த ஒவ்வொரு ஜிபி டேட்டாவுக்கும் ரூ.20 செலுத்த வேண்டி இருக்கும்.

இந்த ரீசார்ஜின் முக்கிய அம்சமாக இரவு 12 மணி முதல் அதிகாலை 6 மணி வரையிலான 6 மணி நேரத்திற்கு அன்லிமிடெட் டேட்டா கொடுக்கப்படுகிறது. இதனுடன் சேர்ந்து சன் நெக்ஸ்ட் ப்ரீமியம் HD சேவைக்கான ஒரு வருட சந்தாவும் இலவசமாக கொடுக்கப்படுகிறது. சன் நெக்ஸ்ட் ப்ரீமியம் HD மூலம் தென்னிந்திய மொழிகளில் கண்டெண்டுகளை பார்த்து ரசிக்க முடியும்.