உங்கள் சம்பளம் எவ்வளவு... வரி இதுதான்.. பட்ஜெட்டில் வெளியான வருமான வரி விவரங்கள்..!

மத்திய பட்ஜெட்டை தாக்கல் செய்து உரையாற்றிய நிதியமைச்சர் நிர்மலா சீதாராமன், தனி நபர் வருமான வரி சலுகைகளையும் அறிவித்தார்.

புதிய வருமான வரி திட்டத்தின்படி ரூ.7 லட்சம் வரை ஆண்டு வருமானம் பெறுவோர் வரி செலுத்த தேவையில்லை என்று தெரிவித்தார்.

பழைய வருமான வரி திட்டத்தின் படி வருமான வரி விலக்கு உச்ச வரம்பு ரூ 2.50 லட்சத்தில் இருந்து 3 லட்சமாக உயர்த்தப்பட்டுள்ளது.

ரூ. 3 லட்சத்தில் இருந்து 6 லட்சம் வரை ஆண்டு வருமானம் உள்ளவர்களுக்கு 5 சதவிகிதம் வரி விதிக்கப்படும்.

6 லட்சத்தில் இருந்து 9 லட்சம் வரை 10 சதவிகிதமும், 9 லட்சத்தில் இருந்து 12 லட்சம் வரை வருமானம் பெறுவோருக்கு 15 சதவிகித வருமான வரியும் விதிக்கப்படும்.

12  முதல் 15 லட்சம் வரை வருமானம் உள்ளவர்களுக்கு 20 சதவிகிதமும்  15 லட்சத்திற்கு மேல் உள்ளவர்களுக்கு 30 சதவிகிதமும் வரி விதிக்கப்படும் என்று முக்கிய அறிவிப்பை வெளியிட்டுள்ளார்.