பட்ஜெட் தினம்.. பெட்ரோல், டீசல் விலையில் மாற்றம் உண்டா? இன்றைய நிலவரம்!

பெட்ரோல் மற்றும் டீசல் விலை நிலவரத்தில் எந்த மாற்றமும் இல்லாமல் நேற்றைய விலையிலேயே விற்பனையாகி வருகிறது.

சர்வதேச அளவில் கச்சா எண்ணெய் விலை நிலவரத்துக்கு ஏற்ப, இந்தியாவிலும் பெட்ரோல் மற்றும் டீசல் விலையைக் குறைக்க வேண்டும் என்று பொதுத்துறை எண்ணெய் நிறுவனங்களுக்கு மத்திய பெட்ரோலியத் துறை அமைச்சர் ஹர்தீப் சிங் பூரி கோரிக்கை விடுத்தார் என்பது குறிப்பிடத்தக்கது.

பெட்ரோல் டீசல் விலை கடந்த 256 நாளாக பெட்ரோல் மற்றும் டீசல் விலை எந்த மாற்றமும் இல்லாமல் விற்பனையாகி வருகிறது.

அதன்படி, சென்னையில் இன்றைய பெட்ரோல் விலை லிட்டருக்கு 102.63 ரூபாயாகவும், டீசல் விலை லிட்டருக்கு 94.24 ரூபாயாகவும் உள்ளது.

கடந்த ஆண்டு ஜூன் மாதத்தில் 116 டாலர்களாக இருந்த ஒரு பேரல் கச்சா எண்ணெய் விலை, தற்போது 82 டாலர்களாகக் குறைந்துள்ளது குறிப்பிடத்தக்கது.