ஏப்ரல் 1... பெட்ரோல், டீசல் விலையில் மாற்றம் உண்டா? இன்றைய நிலவரம்!

பொதுத்துறை எண்ணெய் நிறுவனங்கள், சர்வதேச சந்தை நிலவரத்திற்கு ஏற்ப பெட்ரோல், டீசல் விலையை தினமும் நிர்ணயம் செய்கின்றன.

தமிழ்நாட்டில் கடந்த ஆண்டு பெட்ரோல் டீசல் விலை 100 ஐத் தாண்டி உச்சத்தைத் தொடட்டது. இதனால் பொதுமக்களும், வாகன ஓட்டிகளும் கலக்கம் அடைந்தனர். அதனைத் தொடர்ந்து அத்தியாவசியப் பொருட்களின் விலை அதிகரிக்கத் தொடங்கின.

இதனிடையே 2022 மே 21 ஆம் தேதி, மத்திய அரசு திடீர் அறிவிப்பு ஒன்றை வெளியிட்டது. அதன்படி, பெட்ரோல் மீதான கலால் வரி லிட்டருக்கு 9 ரூபாயும், டீசல் மீதான கலால் வரி லிட்டருக்கு 7.50 ரூபாயும் குறைக்கப்பட்டது.

அதனை தொடர்ந்து சென்னையில் 2022 மே 22ஆம் தேதி முதல் பெட்ரோல் லிட்டர் 102.63 ரூபாய்க்கும், டீசல் 94.24 ரூபாய்க்கும் விற்பனை செய்யப்பட்டு வருகிறது. கடந்த 312 நாட்களாக பெட்ரோல் டீசல் விலையில் மாற்றம் இல்லாமல் ஒரே விலை நீடிக்கிறது.

இந்நிலையில் நிதியாண்டு தொடக்கம் பெட்ரோல், டீசல் விலையிலும் மாற்றத்தை கொண்டு வரலாம் என எதிர்பார்க்கப்பட்டது. எனினும் பெட்ரோல், டீசல் விலை மாற்றமின்றி அதே விலையில் விற்பனை செய்யப்படுகிறது. சென்னையில் ஒரு லிட்டர் பெட்ரோல் 102.63 ரூபாய்க்கும், டீசல் 94.24 ரூபாய்க்கும் விற்பனையாகிறது.