ரூ.20 லட்சம் வரை வங்கி கடன் உதவி.. SBI பேங்க் கொடுக்கும் லோன் விவரம்!

உறவினர்கள் மற்றும் நண்பர்களின் உதவி கிடைக்காமல் வங்கியில் கடன் வாங்க திட்டமிட்டுள்ளீர்களா? அப்படியெனில் உங்களுக்கு ஒரு நல்ல செய்தி. நாட்டிலேயே மிகப்பெரிய வங்கியாக இருக்கும் எஸ்பிஐயிடம் நீங்கள் எளிதாகக் கடன் பெறலாம்.

ஸ்டேட் வங்கி தகுதியானவர்களுக்கு எளிதாக கடன்களை வழங்குகிறது. ஆனால் இந்த பலன் அனைவருக்கும் கிடைக்காமல் போகலாம். இந்த வகையான கடன்கள் தேர்ந்தெடுக்கப்பட்ட வாடிக்கையாளர்களுக்கு மட்டுமே கிடைக்கும்.

எஸ்பிஐயில் தனிநபர் கடன் பெற நினைப்பவர்கள் கண்டிப்பாக சில விஷயங்களை அறிந்திருக்க வேண்டும். அதற்கு தேவையான ஆவணங்கள் இருக்க வேண்டும். அப்போது தான் எளிதாக கடன் பெற முடியும்.

எளிதான EMI மற்றும் குறைந்தபட்ச ஆவணங்கள் போன்ற பலன்களை எஸ்.பி.ஐ கடனில் பெறலாம். எந்த எஸ்பிஐ வங்கி கிளைக்கும் சென்று இந்த கடனுக்கு விண்ணப்பிக்கலாம். அல்லது எஸ்பிஐ இணையதளம் மூலம் ஆன்லைனில் கடனுக்கு விண்ணப்பிக்கலாம்.

எஸ்பிஐ விரைவுக் கடனின் கீழ் ரூ. 20 லட்சம் வரை பெறலாம். இந்தக் கடன் ஊழியர்களுக்கு மட்டுமே பொருந்தும். குறைந்தபட்சம் ரூ. 15 ஆயிரம் சம்பளம் வாங்க வேண்டும். மத்திய, மாநில, பொதுத்துறை, கார்ப்பரேட் மற்றும் கல்வி நிறுவனங்களில் பணிபுரிபவர்கள் இந்த வகையான கடன்களைப் பெறலாம். வயது 21 முதல் 58க்குள் இருக்க வேண்டும். குறைந்தது ஒரு வருடமாவது வேலையில் இருக்க வேண்டும்.

எஸ்பிஐ வழங்கும் இந்த வகை கடனுக்கான வட்டி விகிதம் 11 சதவீதத்தில் இருந்து தொடங்குகிறது. குறைந்த வட்டி என்று சொல்லலாம். எனவே, கடன் பெற விரும்பும் ஊழியர்கள் எஸ்பிஐ வழங்கும் இந்த வசதியைப் பெறலாம்.

இந்த கடனை 72 மாதங்களுக்குள் திருப்பிச் செலுத்த வேண்டும். வருமான வரி கணக்கு, வங்கி அறிக்கை, இரண்டு பாஸ்போர்ட் அளவு புகைப்படங்கள், பே ஸ்லிப், முகவரி சான்று போன்ற ஆவணங்கள் இதற்கு கட்டாயம் தேவை.