SBI : உங்கள் பணத்திற்கு ஸ்டேட் பேங்கில் அதிக வட்டி கிடைக்க போகுது! எப்படி தெரியுமா?

இந்தியாவின் மிகப்பெரிய வங்கியான எஸ்பிஐ பிக்சட் டெபாசிட் திட்டங்களுக்கு வட்டி விகிதத்தை உயர்த்துவதாக அறிவித்துள்ளது. இதனால் வாடிக்கையாளர்கள் மகிழ்ச்சி அடைந்துள்ளனர்.

எஸ்பிஐ வங்கி பிக்சட் டெபாசிட் திட்டத்தில் 2 கோடி ரூபாய்க்கு உட்பட்ட திட்டங்களுக்கு வட்டியை உயர்த்தியுள்ளது.

புதிய வட்டி விகிதங்கள் நேற்று (மே 10) முதல் அமலுக்கு வந்துள்ளன. பொது வாடிக்கையாளர்களுக்கு குறைந்தபட்சமாக 3% வட்டியும், அதிகபட்சமாக 4.5% வட்டியும் வழங்கப்படும் என அறிவிக்கப்பட்டுள்ளது

46 நாட்கள் முதல் 149 நாட்கள் வரையிலான முதிர்வு கொண்ட பிக்சட் டெபாசிட் திட்டங்களுக்கு, ஓராண்டுக்கு மேல் மற்றும் 2 ஆண்டுகளுக்கு குறைவான வைப்புத்தொகைக்கான வட்டி விகிதங்கள் மாற்ற்பபட்டுள்ளன. 2 முதல் 3 ஆண்டுகள் வரை முதிர்ச்சியடையும் திட்டங்களின் வட்டியும் மாறியுள்ளது.

3 முதல் 5 ஆண்டுகள் மற்றும் 5 முதல் 10 ஆண்டுகள் வரையிலான நீண்ட கால டெபாசிட்டுகளுக்கு 4.5 சதவீத வட்டி கிடைக்கும் எனவும் அறிவிக்கப்பட்டுள்ளது.

மாற்றப்பட்ட வட்டி விகிதங்கள்: 7 - 45 நாட்கள் : 3%, 46 - 179 நாட்கள் : 3.5%, 180 - 210 நாட்கள் : 3.5%, 211 நாட்கள் - 1 ஆண்டு : 3.75%, 1 - 2 ஆண்டு : 4%, 2 - 3 ஆண்டு : 4.25%, 3 - 5 ஆண்டு : 4.5%, 5 - 10 ஆண்டு : 4.5% சீனியர் சிட்டிசன்களுக்கு: 7 - 45 நாட்கள் : 3.5%, 46 - 179 நாட்கள் : 4% 180 - 210 நாட்கள் : 4%, 211 நாட்கள் - 1 ஆண்டு : 4.25%, 1 - 2 ஆண்டு : 4.5% 2 - 3 ஆண்டு : 4.75%, 3 - 5 ஆண்டு : 5%, 5 - 10 ஆண்டு : 5%