எந்த வீண் அலைச்சலும் இல்லை.. சுலபமாக தனிநபர் கடன்களை இனி பெற முடியும்..! முழு விபரம் இங்கே

கடன் பெறூவதற்கான நம்முடைய ஆவணங்கள் அனைத்தையும் சரியாக கொடுத்தாலும் ஒரு மாதத்திற்கு மேலாக வாடிக்கையாளர்களை வங்கி நிர்வாகம் அலைய விடுகிறது. இதனால் நேரம் வீணடிக்கப்படுகிறது. இனிமேல் இந்த கவலை வேண்டாம். இன்றைக்கு உள்ள மேம்பட்ட தொழில்நுட்பம் மற்றும் தடையில்லாத டிஜிட்டல் வளர்ச்சியால், ஒரு ஸ்மார்ட்போன் இருந்தால் போதும் எந்த நேரத்தில் வங்கி சேவையை அணுகி எளிதாக கடன்களைப் பெற முடியும். இதனால் தான் மக்கள் மத்தியில் டிஜிட்டல் தனி நபர் கடன்கள் பிரபலமாகி வருகிறது. எனவே இந்நேரத்தில் எப்படி இதன் மூலம் நேரத்தை மிச்சப்படுத்திக் கடன்களைப் பெற முடியும் மற்றும் என்னென்ன நன்மைகள் உள்ளது? என்பது குறித்து இங்கே தெரிந்துக் கொள்வோம்.

டிஜிட்டல் கடன்கள் நேரத்தையும் முயற்சியையும் எவ்வாறு மிச்சப்படுத்துகிறது? வங்கிக்கு சென்று நேரடியாக கடன்களைப் பெறுவதை விட ஆன்லைன் வாயிலாக விண்ணப்பிக்கும் போது ஏராளமான நன்மைகள் உள்ளது. ஆம் ஒவ்வொருவரின் கடன் தேவைகள் என்பது மாறுபடும். சிலருக்கு 10,000 தேவைப்படலாம், ஒரு சிலருக்கு பல லட்சங்கள் தேவைப்படலாம். இவற்றை நேரடியாக வங்கியில் பெறும் போது நாம் கோரிக்கை வைப்பது சிரமம். ஆனால் ஆன்லைன் வாயிலாக ரூபாய் 5000 முதல் ரூபாய் 5 லட்சம் வரை நாம் கடன் தொகையைப் பெற்றுவிடமுடியும்.

விரைவான தகுதிச் சோதனைகள் : தற்போது ஒவ்வொரு வங்கிகளும் அதற்கென்று ஒரு மொபைல் பேங்கிங் மற்றும் இன்டர்நெட் பேங்கிங் வசதியைக் கொண்டுள்ளது. இவற்றின் மூலம் தான் நாம் கடன்கள் பெறுவதற்கு விண்ணப்பிக்க முடியும். இதில் நம்முடைய பேங்க் ஸ்டேட்மென்ட் மற்றும் ஆதார் மற்றும் பான் விபரங்களை உள்ளீடு செய்ய வேண்டும். நாம் எந்த வங்கியில் கடன்களைப் பெறுவதற்கு விண்ணப்பிக்கிறோமோ? அந்த வங்கிகளில் நம்முடைய விபரங்களைச் சரிபார்க்கத் தொடங்கும். இதற்கென்று பல மணி நேரம் எடுத்துக்கொள்ளாது. இரண்டு நிமிடங்கள் தான்.. நீங்கள் கடன் பெற தகுதியுடையவர்களா? இல்லையா? என்பதை தெரிந்து கொள்ளமுடியும்.

ஆவணங்கள் சரிபார்த்தல் : ஒருவேளை நீங்கள் கடன் தொகைப் பெறுவதற்கு தகுதியானவர்கள் என்றால், cKYC, Digilocker போன்ற கிடைக்கக்கூடிய பல்வேறு முறைகள் மூலம் உங்களுடைய ஆவணங்கள் நொடியில் சரி பார்க்கப்படும். ஏபிஐ அடிப்படையிலான தீர்வுகளின் தோற்றம் நிகழ்நேர புகைப்படம்/வருமானச் சரிபார்ப்பிற்கு உதவுகிறது

உடனடி விநியோகம் : கடன் தொகைப் பெறுவதற்கான உங்களுடைய ஆவணங்கள் அனைத்தும் சரியாக இருக்கும் பட்சத்தில், நீங்களின் கிரெடிட் ஸ்கோருக்கு ஏற்றார் போல் கடன் தொகை உங்களுக்கு வழங்கப்படும்.இவ்வாறு நீங்கள் ஆன்லைன் வாயிலாக உடனடியாக பணம் பெற்றுக்கொள்ள முடியும்.

மேலும் நீங்கள் பணம் செலுத்துவதற்கான மாதங்களை நீங்கள் தேர்வு செய்துக்கொள்ள முடியும். ஒருவேளை ஆன்லைன் வாயிலாக உங்களுக்குப் பணம் பெறுவதற்கான வாய்ப்புகள் கிடைக்கவில்லையோ? உங்களின் கிரெடிட் ஸ்கோர் சரியாக இல்லை என்பது தான் அர்த்தம். எனவே இதையும் நீங்கள் கவனத்தில் கொள்ள வேண்டும்.