வாகன காப்பீடு செய்யும்போது டிஸ்கவுண்ட் பெற முடியுமாம்… தெரிஞ்சிக்கோங்க..

நாம் ஏற்கனவே பயன்படுத்திய காரில் எந்த விபத்தும் ஏற்படாமல் இருந்தால் அந்தக் காரை மற்றவருக்கு விற்கும் போது ‘நோ க்ளெய்ம் சர்டிஃபிகேட்’ வாங்கிக் கொண்டால் அடுத்து நாம் வாங்கும் புதிய காருக்கு டிஸ்கவுண்ட் பெற்றுக் கொள்ளலாம்…

இந்தியாவில் நாம் பயன்படுத்தும் வாகனங்களை காப்பீடு செய்வது சட்டப்படி கட்டாயம். காப்பீடு செய்து கொள்ளாமலோ, செல்லத்தக்க காப்பீட்டு சான்றிதழ் வைத்துக்கொள்ளாமலோ வாகனத்தை சாலையில் இயக்குவது தண்டனைக்குரிய குற்றமாகும். அதனால் வாகனங்களை நாம் மறக்காமல் காப்பீடு செய்து கொள்ள வேண்டும். அப்படி காப்பீடு செய்வதில் நமக்கு சாதகமாக பல அம்சங்கள் இருக்கின்றன.

அவற்றைப் பற்றி நமக்கு முழுமையாக தெரிவதில்லை. அப்படி ஒன்று தான் நோ க்ளெய்ம் சர்டிஃபிகேட். அது என்ன நோ க்ளெய்ம் சர்டிஃபிகேட்?. அதன் நன்மை என்ன என்பது பற்றி இப்போது பார்க்கலாம்…கார் போன்ற நான்கு சக்கர வாகனங்கள் வைத்து இருப்பவர்கள் அந்தக் காரின் காப்பீட்டு பாலிசியைப் படித்துப் பாருங்கள்.

அதில் விபத்துகள் ஏற்பட்டு கிளெய்ம் எதுவும் வாங்கப்படாமல் இருக்கும் பட்சத்தில் No claim bonus கூடிக்கொண்டே வந்து 50% வந்தவுடன் நின்று விடும். அவ்வாறு விபத்து கிளெய்ம் ஏதும் வாங்காமல் இருக்கும் நிலையில் உங்கள் காரை நீங்கள் விற்று விட்டு வேறு கார் வாங்க முடிவு செய்தால், நீங்கள் விற்கப் போகும் காரின் இன்சூரன்ஸ் நிறுவனத்தை அனுகி No Claim Bonus Certificate வேண்டும் என்று எழுத்துப் பூர்வமாகக் கேளுங்கள் .

அவர்கள் தரும் அந்த Certificate ஐ பெற்று புதிய கார் வாங்கும் ஏஜென்சியிடம் கொடுத்துப் புதிதாக எடுக்கும் வாகன பிரிமியத்தில் உங்கள் பழைய காரின் No claim bonus எவ்வளவு இருக்கிறதோ...அதே அளவு Discount பெற்றுக் கொள்ளலாம். அது உங்கள் உரிமை .உங்களுடைய பழைய காரை வாங்குபவர் அவர் பெயரில் இன்ஸுரன்ஸை மாற்றும் போது, உங்கள் நோ கிளெய்ம் போனஸை அவர் பயன்படுத்த முடியாது.

காருக்கான முழு பிரிமியத்தை அவர் கட்டியே ஆக வேண்டும். எனவே நீங்களும் பயன்படுத்தாவிட்டால் அந்த நோ கிளெய்ம் போனஸ் யாருக்கும் பயன் இல்லாமல் போய் விடும். No claim bonus என்பது காருக்கு அல்ல. விபத்தில் சிக்காமல்காரை இயக்கி வந்தாரே அந்தக் காரின் உரிமையாளருக்குத் தான் சொந்தம்.

எனவே, அந்த No claim bonus ஐ புதிய வாகனம் வாங்கும் போது மறக்காமல் பயன்படுத்திக் கொள்ளுங்கள் .இது போன்ற தகவல்களை எந்தக் காப்பீட்டு நிறுவனமோ, ஏஜென்டுகளோ விளம்பரம் செய்வதில்லை. நமக்குத் தெரிவிப்பதுமில்லை. நாம் தான் தெரிந்து கொள்ள வேண்டும்.