உஷார்.. பெட்ரோல் பங்குகளில் நடக்கும் மோசடிகள்.. இனி இதையெல்லாம் கவனிங்க!

பெட்ரோல் பங்குகளில் வாகனத்தில் பெட்ரோல்-டீசல் நிரப்பும்போது வாடிக்கையாளர்கள் பலர் ஏமாற்றப்படுகின்றனர். சில நேரங்களில் பெட்ரோல்-டீசல் குறிப்பிட்ட அளவை விட குறைவாக கிடைக்கும். நேரடியாக வாகனத்துக்குள் செல்லும் எரிபொருள் என்பதால் அளவு குறைவதும் நமக்கு தெரியாது

நம் கார், ஸ்கூட்டர் அல்லது பைக்கில் பெட்ரோல்-டீசலை நிரப்பும்போது நாம் கவனமாக இருப்பது முக்கியம். பெட்ரோல் பங்குகளில் கவனமாக இருக்க சில டிப்ஸ்கள் உள்ளன. இதன் மூலம் நீங்கள் ஏமாற்றப்படுவதை தவிர்க்கலாம்.

பெட்ரோல்ல் டீசல் நிரம்பும்போது, பம்ப் ஊழியர் முந்தைய வாடிக்கையாளரின் வாகனத்திற்கு எரிபொருள் நிரப்பிய பிறகு இயந்திரத்தை பூஜ்ஜியமாக்குகிறாரா என்பதை நினைவில் கொள்ளுங்கள். அதாவது நீங்கள் சென்று நிற்கும்போது அந்த மீட்டர் பூஜ்ஜியத்தில் இருந்தே தொடங்க வேண்டும்

பணியாளர் இதைச் செய்யவில்லை என்றால், உடனடியாக அவரை குறுக்கிட்டு, அவ்வாறு செய்யும்படி அவரிடம் கேளுங்கள். இது தவிர, மீட்டர் அருகே நின்று விற்பனையாளரின் அனைத்து செயல்பாடுகளையும் கவனிக்கவும்.பெட்ரோல் பம்பில் பெட்ரோல் மற்றும் டீசல் விலையை முக்கியமாகக் காட்ட வேண்டும். இது தற்போதைய எரிபொருள் விலை பற்றி நுகர்வோருக்கு தெரிவிக்கிறது. இந்த விலை ஒவ்வொரு மாவட்டத்துக்கும் வேறுபாடு இருக்கும். ஆனாலும் நீங்கள் எரிபொருள் நிரப்பும் ஊரின் அன்றைய தேதி விலையை கவனித்துக்கொள்ளவும்

நீங்கள் எரிபொருளை வாங்கும்போதெல்லாம், டீலரால் வசூலிக்கப்படும் விலையை டிஸ்ப்ளேயில் காட்டப்பட்டுள்ள விலையுடன் ஒப்பிடுங்கள். மேலும், நீங்கள் வாங்கும் எரிபொருளுக்கான ரசீதையும் பெற மறக்காதீர்கள் சில பெட்ரோல் பம்புகளில் கலப்படம் செய்யப்பட்ட பெட்ரோல் மற்றும் டீசல் பிரச்சனையும் உள்ளது. இதுபோன்ற தரம் குறைந்த எரிபொருள் உங்கள் வாகனத்தின் இன்ஜினையும் சேதப்படுத்தும். வடிகட்டி காகித சோதனை (Filter Paper) மூலம் நீங்கள் அதை சரிபார்க்கலாம்.

அதற்கான டெஸ்ட் பேப்பரில் சில துளிகள் பெட்ரோலை வைத்தால் அது நல்ல பெட்ரோலா அல்லது கலப்படமா என்பது தெரியும். பெட்ரோல் தூய்மையாக இருந்தால் கறை படியாமல் ஆவியாகிவிடும். இருப்பினும், கலப்படம் செய்தால், பெட்ரோல் சொட்டுகள் காகிதத்தில் சிறிது கறையை விட்டுவிடும். இந்த காகிதங்கள் பல ஹார்டுவேர் கடைகளிலும், ஆன்லைனிலும் கிடைக்கின்றன.