இந்திய பங்குசந்தைகள் கடும் வீழ்ச்சி... சென்செக்ஸ் 1000 புள்ளிகள் வரை சரிந்ததால் முதலீட்டாளர்கள் ஏமாற்றம்

இந்திய பங்குச்சந்தைகள் கடும் வீழ்ச்சியை சந்தித்துள்ளன. சென்செக்ஸ் ஆயிரம் புள்ளிகள் வரை சரிந்ததால் முதலீட்டாளர்கள் ஏமாற்றம் அடைந்தனர்.

இந்திய பங்குச்சந்தைகள் இன்று காலை வர்த்தகம் தொடங்கியது முதலே வீழ்ச்சியை சந்தித்து வருகின்றன. மும்பை பங்குச்சந்தை குறியீட்டெண் சென்செக்ஸ் ஆயிரம் புள்ளிகள் வரை சரிவை சந்தித்தது.

இதேபோல, தேசிய பங்குச்சந்தையில் நிப்டி 16,000 புள்ளிகளுக்கும் கீழ் சென்றது. இதனால், முதலீட்டாளர்களுக்கு 5 லட்சம் கோடி ரூபாய் அளவுக்கு இழப்பு ஏற்பட்டுள்ளது.

அமெரிக்காவில் பணவீக்க விகிதம் 8.5 சதவீதத்திலிருந்து 8.3 சதவீதமாக குறைந்துள்ளது. எனினும், 8.1 சதவீதமாக குறையும் என்ற கணிப்பைவிட அதிகமாக உள்ளது.

மேலும், அமெரிக்க டாலருக்கு நிகரான இந்திய ரூபாய் மதிப்பு, 77 ரூபாய் 58 காசுகள் என்ற அளவுக்கு வீழ்ச்சியை சந்தித்துள்ளது. இதன்காரணமாக, பங்குச்சந்தைகள் வீழ்ச்சியை சந்தித்துள்ளன.