Vande Bharat Express: கோவா ட்ரிப் பிளானா? வருகிறது வந்தே பாரத் ரயில் சேவை...

இந்திய ரயில்வே சமீபத்திய 16 வது வந்தே பாரத் ரயிலை அறிமுகப்படுத்தியுள்ளது. பூரி-ஹவுரா வழித்தடத்தில் தொடங்கப்பட்ட வந்தே பாரத் ரயிலை பிரதமர் நரேந்திர தொடங்கி வைத்தார். ஒடிசா மாநிலத்திற்கான முதல் வந்தே பாரத் ரயில் இதுவாகும். மற்றொரு வந்தே பாரத் ரயில் ஏற்கனவே ஹவுராவில் இருந்து இயக்கப்படுகிறது.

வந்தே பாரத் ரயில் சேவையை விரிவுபடுத்தும் திட்டம் குறித்து ரயில்வே அமைச்சர் அஷ்வினி வைஷ்ணவ் பேசுகையில், அனைத்து மாநிலத்திலும் வந்தே பாரத் ரயில் சேவை தொடங்கப்படவுள்ளதாகக் கூறியுள்ளார். மேலும் ஜூன் மாதத்திற்குள் இந்த இலக்கை எட்டுவோம் என்று நம்பிக்கை தெரிவித்துள்ளார்.

100 கிலோ மீட்டருக்கும் தொலைவான தூரத்திற்கு வந்தே பாரத் ரயில் சேவை தொடங்கப்படும் என்று தெரிவித்துள்ளார். அதன் படி இந்த ஆண்டு டிசம்பர் மாதத்திற்குள் வந்தே பாரத் ரயில் உருவாக்கப்பட்டு, அடுத்த ஆண்டு பயணிகளுக்குக் கிடைக்கும் வகையில் இந்திய ரயில்வே செயல்பட்டு வருகிறது.

ஜூன் மாத இறுதிக்குள் மேலும் நான்கு வழித்தடங்களில் வந்தே பாரத் ரயில்கள் தொடங்கப்படும் என்று எதிர்பார்க்கப்படுகிறது. ஜல்பைகுரி-குவஹாத்தி மற்றும் பாட்னா-ராஞ்சி வழித்தடங்களில் வந்தே பாரத் ரயில் தொடங்கப்படவுள்ளது. அதுமட்டுமின்றி மும்பை-கோவா வழித்தடத்திலும் வந்தே பாரத் ரயில் தொடங்க உள்ளது.

இந்த ரயில் தொடங்கினால், கோவா செல்லும் முதல் வந்தே பாரத் ரயிலாக இது இருக்கும். மும்பை-கோவா வந்தே பாரத் ரயில் சோதனை வியாழக்கிழமை நடைபெற்றது. சோதனை ஓட்டம் முடிந்ததும் மும்பை-கோவா வழித்தடத்தில் வந்தே பாரத் ரயில் வரும் ஜூன் மாதத்தில் பயன்பாட்டிற்கு கொண்டுவரப்படும் என்று எதிர்பார்க்கப்படுகிறது. மும்பையில் இருந்து காந்திநகர், சாய்நகர் ஷீரடி மற்றும் சோலாப்பூர் வழித்தடத்திற்கு ஏற்கனவே வந்தே பாரத் ரயில்கள் இயக்கப்பட்டு வருகின்றன.

தெலுங்கான மாநிலத்தைப் பொறுத்தவரை, வந்தே பாரத் ரயில்கள் காச்சிகுடா-பெங்களூரு மற்றும் செகந்திராபாத்-புனே வழித்தடங்களில் தொடங்கப்படவுள்ளது. இவை தவிர, புவனேஸ்வர்- ஐதராபாத் வழித்தடத்தில் வந்தே பாரத் ரயிலை இயக்க வேண்டும் என்று ஒடிசா அரசு கோரிக்கை விடுத்துள்ளது.

வந்தே பாரத் ரயில்கள் ஏற்கனவே செகந்திராபாத்-விசாகப்பட்டினம் மற்றும் செகந்திராபாத்-திருப்பதி வழித்தடங்களில் இயக்கப்படுகின்றன. வந்தே பாரத் ரயில் முதலில் செகந்திராபாத்-திருப்பதி வழித்தடத்தில் 8 பெட்டிகளுடன் தொடங்கியது. சமீபத்தில் தெற்கு மத்திய ரயில்வே 16 பெட்டிகளுடன் இந்த ரயிலை இயக்கி வருகிறது.