வீட்டுக்கடன் வாங்குறீங்களா..? அவசியம் தெரிந்துகொள்ள வேண்டிய விஷயங்கள் இதோ..!

வங்கிகள் எவ்வளவு வீட்டு கடன் கொடுக்க முன்வரும், ரிசர்வ் வங்கி நிர்ணயித்துள்ள கட்டுபாடுகள் என்ன என்பதை இந்த தொகுப்பில் பார்க்கலாம்.

வீட்டுக்கடன் கேட்டு வருபவர்களுக்கு இவ்வளவு சதவிதம் கடன் கொடுக்கலாம் என்று வங்கிகள் ஒரு கணக்கு வைத்திருக்கும். ஒருவரின் சம்பளம் மற்றும் சிபில் ஸ்கோரை வைத்து தான் கடன் தர வங்கிகள் முன் வருவார்கள்.

இப்போது, ஒரு வீடு 30 லட்சம் ரூபாய் என்று வைத்து கொள்வோம், அந்த வீட்டை வாங்க, முழுவதுமாக வங்கிகள் 30 லட்சம் ரூபாயையும் கொடுத்துவிட மாட்டார்கள். இவ்வளவு மதிப்புள்ள ஒரு வீட்டிற்கு, இத்தனை சதவிதம் தான் கடன் தர வேண்டும் என்று வங்கிகளுக்கு ரிசர்வ் வங்கி தரப்பில் ஒரு அறிவுறுத்தல் இருக்கிறது.

உதாரணமாக, 30 லட்சம் ரூபாய் வீடு என்றால், அதிகபட்ச கடன் தொகையாக 90 சதவிதம்  வங்கிகள் கொடுக்கும், மீத தொகையை, அந்த வீட்டை வாங்குபவர் முன்பணமாக, அவரின் பங்களிப்பாக செலுத்த வேண்டும். இதுவே அந்த வீட்டின் விலை 30 முதல் 75 லட்சம் ரூபாய் வரை என்று வைத்து கொண்டால், 80 சதவிதம் தொகை தான் வங்கிகள் கடனாக கொடுக்கும்.

75 லட்சத்திற்கும் அதிகமான விலையில் ஒரு வீடு வாங்குகிறீர்கள் என்றால், அந்த வீட்டின் விலை 75 சதவிதம் தான் கடனாக பெற முடியும்.. மீத தொகையை, வீடு வாங்குபவர் அவரின் பங்களிப்பாக கொடுக்க வேண்டும்.

அந்த Downpaymentக்கான source என்ன, அந்த பணம் அவருக்கு எப்படி வந்தது என்பதை வங்கிகள் கவனித்து, பின்னர் தான் கடன் கொடுப்பார்கள்.