பான் கார்டு முக்கியம்... அசால்டா இருக்காதீங்க.. செக் பண்ணுங்க உடனே.. இதோ லிங்க்!

பான் கார்டுடன் ஆதார் எண் இணைக்க வேண்டும் என்பதை மத்திய அரசு தொடர்ந்து வலியுறுத்தி வருகிறது. முன்னதாக, இந்த நடவடிக்கையை பூர்த்தி செய்வதற்காக மத்திய அரசு வழங்கியிருந்த கால அவகாசம் கடந்த ஆண்டு மார்ச் 31ஆம் தேதியுடன் நிறைவடைந்தது. இந்த நிலையில், சில நிபந்தனைகளுடன் காலக்கெடு இந்த ஆண்டு மார்ச் 31ஆம் தேதி வரையில் நீட்டிக்கப்பட்டுள்ளது.

கடந்த ஆண்டின் இறுதிக்கெடுவுக்கு முன்பாக பான் கார்டுடன் ஆதார் எண் இணைக்காத பொதுமக்கள் தற்போது ஆன்லைன் வாயிலாக அபராதம் கட்டிய பின் இந்த இணைப்பு நடவடிக்கையை மேற்கொள்ளலாம். இதையும் கூட நீங்கள் செய்யத் தவறும்பட்சத்தில், மார்ச் 31ஆம் தேதிக்குப் பிறகு உங்களுடைய பான் கார்டை நீங்கள் பயன்படுத்த இயலாது.

2023 ஏப்ரல் 1ஆம் தேதியில் இருந்து ஆதாருடன் இணைக்கப்படாத பான் அட்டைகள் அனைத்தும் செயலற்றதாக மாறிவிடும். இது கட்டாயமானது, அவசியமானது. ஆகவே, தாமதமின்றி, இன்றே செய்யவும்’’ என்று குறிப்பிடப்பட்டுள்ளது. நீங்கள் ஏற்கெனவே இணைத்துவிட்டீர்கள் என்றாலும் ஒருமுறை அதனை சரிபார்த்துக்கொள்ளுங்கள்

ஆதார் - பான் இணைப்பு - செக் செய்வது எப்படி?
https://www.incometax.gov.in/iec/foportal/ என்ற இணையதளப்பக்கத்துக்குச் செல்ல வேண்டும்
link aadhaar status என்ற ஆப்ஷனை க்ளிக் செய்ய வேண்டும்
உங்கள் பான் கார்டு மற்றும் ஆதார் எண்ணை பதிவு செய்து அங்குள்ள எழுத்தை (Captcha) அப்படியே பதிவு செய்ய வேண்டும்
பின்னர் பான் கார்டு இணைப்பு தொடர்பான தகவலை பெறலாம்